Rehọ jw.org Ta Usiuwoma —“Jọ Ogbẹnyusu Jihova”

Oria “Iwuhrẹ Ebaibol” nọ o rrọ jw.org na u wo abọ nọ a ruẹrẹhọ kẹ emaha na nọ a re se “Jọ Ogbẹnyusu Jihova” nọ ile, ividio gbe eware efa e vọ rọkẹ emaha na. Kọ whọ rehọ oria nana ta usiuwoma no? Otẹrọnọ who bi wuhrẹ obe kugbe ohwo jọ nọ o wo emọ esese, dhesẹ oria nana kẹe. Onana o rẹ sai ru ei riẹ eware efa nọ e vọ Oria Evuẹ mai na.

Evaọ etoke nọ ma jẹ rọ ghale Usi Uvie avọ 38 na, oniọvo-ọmọzae jọ ọ kẹ aye jọ omobe-ovẹvẹ na, o te mu ei họ ese ababọ oke-oraha. Aye na o wo emọ esese, yọ a gwọlọ riẹ oware o rrọ evaọ omobe-ovẹvẹ na. Oniọvo-ọmọzae na ọ tẹ rehọ omoke jọ dhesẹ eware nọ e riẹe eva, o te je dhesẹ adrẹse Oria Evuẹ mai na kẹ aye na. Fikinọ aye na ọ gaviezọ ziezi, oniọvo na ọ tẹ rọ ifonu riẹ kporo ividio Kelẹb jọ kẹe avọ emọ riẹ.

Oniọvo-ọmọtẹ jọ o dhesẹ Oria Evuẹ mai na gbe eware nọ e riẹe nọ i re fiobọhọ kẹ iviuwou rọkẹ aye jọ nọ a gbe bi ru iruo nọ o wo emọ. Aye na avọ emọ riẹ a te rovie kpohọ jw.org na. Nọ aimava a wariẹ ruẹro, ọ tẹ vuẹ oniọvo-ọmọtẹ na nọ emọ riẹ a be hae jọ uwou na so ole “Vuẹ Ẹme Na” nọ o rrọ usu ile nọ e rrọ oria “Jọ Ogbẹnyusu Jihova” na.

Daoma riẹ eware nọ e rrọ jw.org na re whọ jẹ jọ ividio, ile gbe eware efa nọ e riẹe na rehọ ejọ fihọ ifonu ra. Onana u ti ru nọ whọ te sae rọ rehọ oria nana nọ o rrọ jw.org na rọ ta usiuwoma. Nọ obọdẹ edhere jọ nọ ma te rọ gbodibo kẹ Olori na.—Iruẹru 20:19.