Jọ JW.ORG Gwọlọ Emamọ Ehrẹ nọ Who re ro Yeri Uzuazọ Kẹdẹ Kẹdẹ

Ẹme Ọghẹnẹ o re fiobọhọ kẹ omai thihakọ ebẹbẹ nọ ma be rẹriẹ ovao dhe evaọ edẹ urere nana. (2Ti 3:1, 16, 17) O make rrọ ere na, ẹsejọ o sae jọ bẹbẹ re ma ruẹ ehrẹ nọ Ebaibol ọ kẹ kpahe oware jọ dẹẹ. Wọhọ oriruo, kọ whẹ yọ ọsẹ hayo oni nọ ọ be gwọlọ ehrẹ nọ i re fiobọhọ kẹ owhẹ yọrọ emọ ra ziezi? Kọ whẹ yọ uzoge nọ ọ be rẹriẹ ovao dhe edawọ? Kọ uweri o rrọ owhẹ oma fikinọ ọzae hayo aye ra o whu? Whọ rẹ jọ izoẹme nọ e rrọ jw.org ruẹ ehrẹ Ebaibol nọ i re fiobọhọ kẹ owhẹ otẹrọnọ whọ be rẹriẹ ovao dhe eware nana jọ hayo eware efa.—Itẹ 2:3-6.

Kpohọ oria ọsosuọ na evaọ jw.org re whọ nẹ oria IWUHRẸ EBAIBOL na. (Rri uwoho 1.) Kẹsena whọ vẹ jọ izoẹme nọ o ti dhesẹ kẹ owhẹ na salọ onọ o were owhẹ. Hayo nẹ oria EBE GBE EWARE EFA > IZOẸME SA-SA, kẹsena whọ vẹ jọ izoẹme nọ o ti dhesẹ kẹ owhẹ na salọ onọ o were owhẹ. (Rri uwoho 2.) Whọ sae jọ JW Library^®a ruẹ izoẹme nana re. Whọ tẹ jọ eria ivẹ nọ ma fodẹ na rri izoẹme sa-sa nọ e rrọ etẹe na, whọ te ruẹ enọ e te were owhẹ. Oghẹrẹ ọfa nọ whọ sae rọ ruẹ uzoẹme nọ whọ be gwọlọ dẹẹ họ, nọ who te kere ẹme na fihọ oria nọ a rẹ jọ gwọlọ oware na.

Kere izoẹme nọ e rrọ obotọ na fihọ oria nọ a rẹ jọ gwọlọ oware na, kẹsena who ve kere izoẹme nọ whọ gwọlọ se fihotọ.

• Wuhrẹ emọ ra

• Uzoge ọ tẹ rrọ ọkora

• Nọ ọrivẹ-orọo o te whu