Oware nọ Whọ rẹ Sae Riẹ Kpahe Oria Itanẹte Mai

Oghoghẹrẹ Izoẹme nọ A be Hai Dhesẹ Evaọ Oria Ọsosuọ Na

Inievo buobu a be hae rehọ izoẹme nọ a be hai dhesẹ evaọ oria ọsosuọ jw.org na ta usi uwoma. O bẹ vievie he re whọ jọ ifonu ra vi izoẹme nana se ahwo. Ejọ rai e ta kpahe epanọ eware nọ e be via i bi ro ru eruẹaruẹ Ebaibol gba. Oniọvo-ọmọzae jọ ọ ta kpahe oria ọsosuọ na nọ: “Ma rẹ jọ etẹe ruẹ izoẹme nọ ma sae rọ ta usi uwoma kẹ ahwo lọlọhọ maero enẹna nọ ma be rọ ifonu gbe ileta ta usi uwoma gaga na.”

No oke te oke a re nwene izoẹme nọ e rẹ romavia na. Kọ ẹvẹ ma sae rọ ruẹ ọnọ ma be gwọlọ, otẹrọnọ ọ gbẹ rrọ etẹe hẹ?

• Evaọ oria ọsosuọ jw.org na, nẹ oria “Ruẹ Efa nọ E Riẹ” nọ o kẹle obehru na. O ve ti rovie oria “Enọ A Siobọno Kẹle na Evaọ Oria Ọsosuọ Na” kẹ owhẹ. Whọ rẹ jọ oria nana ruẹ izoẹme nọ a fihọ oria ọsosuọ na kẹle na.

• Evaọ jw.org, kpohọ oria “Ebe gbe Eware Efa” (o jẹ rrọ JW Library^®, kpohọ “Library”). Who ve rovie “Izoẹme Sa-Sa,” (evaọ JW Library^® kọ “Article Series”). Whọ te jọ etẹe ruẹ oria “Izoẹme Efa.” Whọ rẹ jọ oria nana ruẹ izoẹme nọ a be hai dhesẹ evaọ oria ọsosuọ jw.org na.