Iriruo Usiuwoma Ota

Onọ A re ro Mu Ebe-Iwuhrẹ Ebaibol họ Evaọ Ẹdẹ-Ọmaha Ọsosuọ June

“Ahwo buobu a yo kpahe Jesu no. Kọ who roro nọ uzuazọ mai o te jọ ziezi nọ ma te ru lele iwuhrẹ riẹ? [Kuvẹ kẹ uyo.] Rri ẹme nọ obe nana o ta.” Rovie kpohọ ẹwẹ-obe avọ 6 evaọ Uwou-Eroro May-June na. Se jẹ ta kpahe oria Ebaibol ọvo jọ nọ a fodẹ. Ku Awake! kugbe rọ kẹe, re wha fi oke họ nọ who ti ro zihe re wha ta ẹme kpahe oria Ebaibol nọ o kẹle riẹ.

Ọjọriẹ: A re ru odhesẹvia nana evaọ ewuhrẹ omakugbe kẹ usiuwoma ota evaọ June 1.

Uwou-Eroro Na May-June

“Ẹsejọ ahwo a re roro sọ emuemu gbe uye-oruẹ u ti ginẹ kuhọ ẹdẹjọ. Kọ whọ rọwo nọ Ọghẹnẹ o ti gine ku emuemu gbe uye-oruẹ họ ẹdẹjọ? [Kuvẹ kẹ uyo.] Rri oware nọ Ebaibol na ọ ta. [Se Matiu 24:37-39.] Uzoẹme nọ o rrọ ẹwẹ-obe avọ 10 emagazini nana u dhesẹ epanọ ma sai ro wo ẹrọwọ wọhọ Noa jẹ rọ ere wo eghale.”

Awake! June

“Ma gwọlọ riẹ epanọ who roro kpahe ẹme nana. Ohwo kpobi ọ gwọlọ yeri emamọ uzuazọ. Kọ who roro nọ ma tẹ dẹ ekwakwa uyerakpọ buobu ma sai ro yeri emamọ uzuazọ? [Kuvẹ kẹ uyo.] Rri ẹme nọ Jesu ọ ta. [Se Luk 12:15.] Emagazini nana o dhesẹ oghẹrẹ eriwo nọ u fo nọ ma re wo kpahe ekwakwa uyerakpọ gbe oghẹrẹ nọ u fo nọ ma rẹ raha ugho.”