Fi Obọ Họ kẹ Ae re “Orọwọ Rai O Ga”

O rrọ oware evawere gaga nọ ma be rọ ruẹ epanọ Jihova ọ be ghale iruo usiuwoma ota na, onọ u ru rie lọhọ nọ ahwo nọ a bu vi idu egba ivẹ gbe ikpe isoi (250,000) a be rọ họ-ame kukpe kukpe. (Izie. 28:2) Nọ owhowho-uvie o te fi obọ họ kẹ ọmọ-uwuhrẹ Ebaibol te kẹ ame-ọhọ no, ọ rẹ gwọlọ siobọno uwuhrẹ yena re o wuhrẹ amọfa. Ọmọ-uwuhrẹ na omariẹ ọ rẹ gbẹ gwọlọ wuhrẹ hẹ re ọ sai wo oke kpohọ usiuwoma ota ziezi. Rekọ u wuzou gaga re emọ-uwuhrẹ Ebaibol a wo otoriẹ uzẹme na ziezi. O gwọlọ nọ a rẹ “tawọ mu” evaọ Kristi je ru “re orọwọ rai o ga.” (Kọl. 2:6, 7; 2 Tim. 3:12) Fikiere, nọ ọmọ-uwuhrẹ ọ tẹ họ-ame no, ọ rẹ gbẹ ruabọhọ ewuhrẹ riẹ bẹsenọ o re wuhrẹ ebe ọ Ebaibol Wuhrẹ na gbe Uyoyou Ọghẹnẹ na re no.—Rri Odibọgba Uvie Mai ọrọ April 2011, ẹwẹ. 2.