Iriruo Usiuwoma Ota

Diẹse Ma Sae Jọ Ruẹ Iyo Enọ nọ I Wuzou Evaọ Uzuazọ?

Nọ who te yere ohwo na no, who ve dhesẹ omobe-ovẹvẹ na kẹe re ọ ruẹ uzoẹme riẹ, kẹsena whọ vẹ ta nọ: “Ma be ghale omobe-ovẹvẹ nana evaọ akpọ na soso. Ọra ọna.”

Otẹrọnọ whọ gwọlọ nyasiọ omobe-ovẹvẹ na ba kẹ ohwo nọ ọ rrọ uwou hu, who fi ei họ oria nọ amọfa a rẹ jọ ruẹ e riẹ hẹ, who kpiri ei whọhọwhọhọ gbe he.

Otẹrọnọ whọ nyaku ohwo nọ ọ gwọlọ nọ wha gbẹ ta ẹme haro, whọ sae nọe onọ nọ o rrọ uke omobe-ovẹvẹ na. Rovie omobe-ovẹvẹ na re who dhesẹ ẹme nọ Olezi 119:144, 160 ọ ta na kẹe. Ru ei vẹ kẹ ohwo na nọ omobe-ovẹvẹ na o ta kpahe oria itanẹte jọ nọ o rẹ sai fiobọhọ kẹe ruẹ iyo enọ nọ i wuzou evaọ Ebaibol na. Whọ sai kporo ividio ọ Fikieme Who re ro Wuhrẹ Ebaibol Na? kẹe. Taure whọ tẹ te nyavrẹ, dhesẹ enọ esa nọ e rrọ obemu omobe-ovẹvẹ na kẹe, re whọ nọe ọnọ ọ mae gwọlọ uyo riẹ. Ta kẹe nọ who ti zihe ze re who dhesẹ kẹe epanọ ọ sae rọ rehọ oria evuẹ jw.org na ruẹ uyo nọ Ebaibol na ọ kẹ kpahe onọ yena. Nọ who te zihe, wha jọ oria evuẹ na rri uyo onọ na kugbe evaọ oria IWUHRẸ EBAIBOL > ENỌ NỌ EBAIBOL Ọ KẸ IYO RAI.

Otẹrọnọ whọ be ghale obe-uzizie okokohọ ubrotọ re, ku obe-uzizie na gbe omobe-ovẹvẹ na rọ kẹ ohwo na, who ve fibae nọ, “U te no ere no, ma bi zizie owhẹ kẹ okokohọ ubrotọ mai, yọ ma re mi ugho ho.”

Uwou-Eroro Na Ahrẹ rite Aria

Nọ wha tẹ be ghale omobe-ovẹvẹ na evaọ Ẹdẹ-Ọmaha gbe Ẹdoka, u te fo whọ sae kẹ ohwo na Uwou-Eroro Na kugbe, whọ vẹ ta nọ: “Mẹ gwọlọ kẹ owhẹ emagazini mai nọ i kpozi kẹle re. Uwou-Eroro nana o kuyo onọ na, Ono ọ rẹ sae riẹ oware nọ o te via evaọ obaro?”

Awake! Aria

Nọ wha tẹ be ghale omobe-ovẹvẹ na evaọ Ẹdẹ-Ọmaha gbe Ẹdoka, u te fo whọ sae kẹ ohwo na Awake! kugbe, whọ vẹ ta nọ: “Mẹ gwọlọ kẹ owhẹ emagazini mai nọ i kpozi kẹle re. Emagazini nana ọ kẹ uyo onọ na, Ẹvẹ ahwo a sai ro ru udhedhẹ?”