Iriruo Usiuwoma Ota

Onọ A re ro Mu Ebe-Iwuhrẹ Ebaibol Họ Evaọ Ẹdẹ-Ọmaha Ọsosuọ Akpegbọvo

“Jọ me dhesẹ onọ jọ kẹ owhẹ. [Se onọ ọsosuọ nọ o rrọ uke Uwou-Eroro Akpegbọvo rite Akpegbivẹ na.] Ẹvẹ who roro?” [Se edhe-ẹme ọsosuọ nọ o rrọ otọ onọ na gbe oria Ebaibol jọ nọ a jariẹ fodẹ.] Ku Awake! kugbe rọ kẹe, wha ve fi oke họ nọ who ti ro zihe re wha ta ẹme kpahe edhe-ẹme nọ ọ kẹle riẹ na.

Uwou-Eroro Akpegbọvo rite Akpegbivẹ

“Ma be ta ẹme kpẹkpẹe kugbe ahwo kpahe olẹ nọ Jesu o wuhrẹ ilele riẹ. [Se Matiu 6:9, 10.] Kọ ohwo jọ ọ sai dhesẹ oware nọ Uvie Ọghẹnẹ o ginẹ rrọ kẹ owhẹ no gbe oware nọ Jesu ọ jẹ rọ ta ẹme kpahe iẹe tere evaọ okenọ o je wuhrẹ ahwo? [Kuvẹ kẹ uyo.] Emagazini nana o dhesẹ oware nọ Ebaibol na ọ ta kpahe Uvie Ọghẹnẹ gbe irere ilogbo nọ o te wha ze otọakpọ na.”

Awake! Akpegbọvo

“Ohwo kpobi ọ gwọlọ evawere evaọ uzuazọ rekọ ahwo buobu a bi wo evawere he. Eme who roro nọ o rẹ sae wha uvi evawere ze? [Kuvẹ kẹ uyo.] Mẹ ruẹ nọ ehrẹ nọ e rrọ Ebaibol na i re fiobọhọ kẹ ohwo wo evawere evaọ uzuazọ. Wọhọ oriruo, muẹrohọ ohrẹ Ebaibol nana. [Se Ahwo Hibru 13:5.] Emagazini nana o ta kpahe ehrẹ Ebaibol ene nọ e rẹ sai fiobọhọ kẹ omai wo uvi evawere.”