Epanọ Ma Sai ro Wo Onaa Ziezi Evaọ Usiuwoma Ota—Rọ Ibroshọ Emamọ Usi nọ U No Obọ Ọghẹnẹ Ze! na Mu Obe-Uwuhrẹ Ebaibol Họ Evaọ Unuẹthẹ
Oware nọ U ro Wuzou: Re ma sai ru ilele, o gba omai họ nọ ma re wuhrẹ ahwo Ẹme Ọghẹnẹ. (Mat. 28:19, 20) Mai kpobi ma rẹ sae rehọ ebe nọ a be kẹ omai wuhrẹ ahwo uzẹme na totọ. A ru ibroshọ Emamọ Usi nọ U No Obọ Ọghẹnẹ Ze! na re u fiobọhọ kẹ omai wuhrẹ amọfa uzẹme na. Uzẹme riẹ họ, ẹdẹ ọsosuọ nọ ma rọ ruẹ ohwo, ma rẹ rehọ iẹe mu obe-uwuhrẹ Ebaibol họ kugbei dede evaọ unuwou riẹ.
Dao Onana Evaọ Amara Na:
Lẹ se Jihova re ọ kẹ owhẹ ajọwha nọ who re ro ru obe-uwuhrẹ Ebaibol. U te no ere no, lẹ Jihova re o fiobọhọ kẹ owhẹ mu obe-uwuhrẹ Ebaibol họ gbe epanọ who re ro wuhrẹ amọfa uzẹme na totọ.—Fil. 2:13.
Wha rọ oke jọ evaọ Egagọ Uviuwou rai n’otha hayo uwuhrẹ omobọ ra wuhrẹ jẹ daoma riẹ oriruo na fihọ uzou. Onana u ti ru owhẹ sae ta ẹme kẹ ohwo avọ imuẹro je fiobọhọ kẹ owhẹ mu obe-uwuhrẹ Ebaibol họ kugbe ohwo evaọ unuẹthẹ.