“Eme Nana . . . E rẹ Jọ Eva Rai”

Esẹgbini a wọhọ ithuru-igodẹ. Fikiere a rẹ rẹrote emọ rai ziezi, keme o re lọlọhọ re emọ a ghoro vru je kie ruọ ebẹbẹ. (Itẹ 27:23) Ẹvẹ esẹgbini a sae rọ thọ emọ rai? O gwọlọ nọ a re lele emọ rai ta ẹme kẹdẹ kẹdẹ re a riẹ eware nọ a bi roro gbe enọ e rrọ emọ rai udu. (Itẹ 20:5) O gwọlọ nọ esẹgbini a rẹ rọ eware nọ erae e rẹ to ho bọ ẹrọwọ emọ rai ga. (1 Kọr. 3:10-15) Ividio “Eme Nana . . . E rẹ Jọ Eva Rai” na, u dhesẹ epanọ egagọ uviuwou nọ a re ru kẹse kẹse u wuzou te. Jọ uviuwou kpobi a rri ividio na kugbe jẹ kiyo enọ nọ e rrọ obotọ na.

(1) Eme o wha riẹ ze nọ uviuwou Thomas Roman a gbe je ro se egagọ Ọghẹnẹ gboja ha? (2) Fikieme egagọ uviuwou Brọda Roman o gbẹ jẹ rọ gbabọ họ evaọ oke ọsosuọ? (3) Oria Ebaibol vẹ o re fiobọhọ kẹ omai riẹ oghẹrẹ nọ a sae rọ yọrọ emọ ziezi? (Izie. 6:6, 7) (4) Eme o rẹ lẹliẹ ahwo uviuwou ta ẹme kugbe ziezi? (5) Eme emọ a mae gwọlọ mi esẹgbini rai? (6) Oghẹrẹ vẹ Brọda Barrow avọ aye riẹ a ro fiobọhọ kẹ uviuwou Thomas Roman? (Itẹ 27:17) (7) Eme ọnọ o wuzou uviuwou o re ru kpahotọ re egagọ uviuwou na o sae gbabọ? (8) Eme Brọda Roman o ru nọ o wha ẹnyaharo ziọ uviuwou riẹ? (9) Fikieme u ro fo re a ru egagọ uviuwou kẹse kẹse? (Ẹf. 6:4) (10) Eware jọ vẹ a rẹ sai ru evaọ egagọ uviuwou? (11) Oghẹrẹ vẹ Brọda Roman ọ rọ kpọ ofu riẹ jẹ ta ẹme ududu nọ o je fiobọhọ kẹ Marcus re ọ riẹ epanọ u wuzou te re o ru oware nọ u kiehọ? (Jeri. 17:9) (12) Ẹvẹ Brọda Roman avọ aye riẹ a ro fiobọhọ kẹ Rebecca jẹ emamọ iroro evaọ usu riẹ kugbe Justin? (Mak 12:30; 2 Tim. 2:22) (13) Ẹvẹ Brọda Roman avọ aye riẹ a ro dhesẹ nọ a wo ẹrọwọ nọ a ru inwene evaọ uzuazọ rai? (Mat. 6:33) (14) Ẹvẹ ividio nana u ro dhesẹ epanọ u wuzou te re enọ i wuzou uviuwou a fiobọhọ kẹ ahwo uviuwou rai kruga ziezi evaọ ukoko na? (1 Tim. 5:8) (15) Whai enọ i wuzou uviuwou, eme wha gba riẹ mu nọ wha ti ru?

ỌJỌRIẸ KẸ ENỌ I WUZOU UVIUWOU: A ru edrama nana evaọ okokohọ ubrotọ ọrọ 2011. Kọ evaọ oke yena, wha muẹrohọ oware nọ o jẹ gwọlọ nọ wha ru egagọ uviuwou rai ziezi? Kọ ẹvẹ kpahe obọnana? Otẹrọnọ who rri nọ o gbẹ gwọlọ enwene jọ, iviena romatotọ lẹ kpahe iẹe re wha ru inwene na fiki uzuazọ ebẹdẹ bẹdẹ uviuwou rai.—Ẹf .5:15-17.