Uzoẹme Okpokpọ nọ Ma ti ro Mu Ẹme Họ Kugbe Ahwo

No umuo Uwou-Eroro uvitha ẹgbede ọrọ avọ 2 2016 vrẹ, uke na o te hai wo uzoẹme na: “Eme Ebaibol na Ọ Ta?” A ru uzoẹme okpokpọ nana re u fiobọhọ kẹ omai rọ Ebaibol na mu ẹme họ kugbe ahwo. A ru uzoẹme na wọhọ epanọ a ru emebe-evẹvẹ mai na. U wo onọ nọ a rẹ nọ ohwo na gbe oria Ebaibol nọ o kuyo onọ na, jegbe eme efa nọ i ru onọ na vẹ.

Ẹsibuobu, iku Ebaibol nọ a nabi gbe nọ e daruọ ohwo oma i re su kpohọ uwuhrẹ Ebaibol. Rọ uzoẹme okpokpọ nana fiobọhọ kẹ ahwo nọ uruame ẹme Ọghẹnẹ u bi kpe.—Mt 5:6.

EPANỌ MA RẸ REHỌ IẸE TA USIUWOMA:

1. Nọ ohwo na onọ jọ evaọ usu enọ na re ọ kuyo riẹ

2. Gaviezọ ziezi kẹ uyo nọ ọ te kẹ je jiri ei kẹ uyo riẹ

3. Se oria ikere nọ o rrọ otọ uzoẹme na “Eme Ebaibol na Ọ Ta,” jẹ nọe oghẹrẹ nọ o wo otoriẹ riẹ. Otẹrọnọ o wo uvẹ, rọ ẹme jọ evaọ usu enọ e rrọ otọ uzoẹme na “Eme Ọfa Ma rẹ Sai Wuhrẹ No Ebaibol na Ze?” gbẹ ta ẹme na haro

4. Kẹe emagazini na

5. Ru ọruẹrẹfihotọ nọ who ti ro zihe, re wha ta kpahe onọ avọ ivẹ na