UWOU-EBE ITANẸTE Uwou-Eroro

UWOU-EBE ITANẸTE

mwb16 Ane ẹwẹ. 3
Rọ Eme Iwowolẹ Bọ Amọfa Ga jẹ Tuduhọ Ae Awọ

Uzuazọ Oleleikristi gbe Usiuwoma Ota Mai—Obe Ewuhrẹ—2016

mwb16 Ane ẹwẹ. 3

EWARE AGHAE NỌ E RRỌ EBAIBOL NA | JOB 16-20

Rọ Eme Iwowolẹ Bọ Amọfa Ga jẹ Tuduhọ Ae Awọ

U fo re ọkohrẹ ọ ta eme nọ e rẹ kẹ amọfa uduotahawọ

Job ọ jọ ọkora, yọ ọ jẹ reakọ avọ edada, fikiere o gwọlọ nọ amọfa a rẹ bọe ga jẹ tuduhọ iẹe awọ
Egbẹnyusu esa Job a ta ẹme uduotahawọ ọvuọvo kẹe he. Ukpoye kọ ẹfo a jẹ fo ẹe, be rọ ere fiba edada riẹ

Emiẹsọ Bildad e lẹliẹ Job bo via avọ edada

Job o bo se Ọghẹnẹ re o si ei no uye, o tẹ make rọnọ o re whu dede
Job ọ tẹrovi ẹruore ẹkparomatha nọ o wo, yọ u fiobọhọ kẹe thihakọ

Ẹlifaz ọ be ta ẹme kẹ Job yọ Bildad avọ Zofa a bi rri

AHWO NỌ A JẸ FO JOB

Ẹlifaz:

Ẹsejọhọ Teman o no ze evaọ ẹkwotọ Edọm. A jọ obe Jerimaya 49:7 dhesẹ nọ Teman yọ ẹwho Edọm nọ areghẹ ọ dafia
O wọhọ nọ Ẹlifaz ọ mae kpako jẹ mae viodẹ evaọ usu egbẹnyusu esa na, yọ ọye ọ kake ta ẹme. Isiasa ọ ta ẹme, yọ ọye ọ mae ta eme bu vi imava nọ i kiọkọ

Ota nọ ọ bọwo Job:

Ọ jẹ rọ ẹgbakiete Job jijewhẹ jẹ ta nọ Ọghẹnẹ o fievahọ idibo riẹ hẹ (Job 4, 5)
Ọ ta nọ Job o wo omorro jẹ rrọ eva gaga, yọ o wo ozodhẹ Ọghẹnẹ hẹ (Job 15)
Ọ ta nọ Job ohwo oriobọ avọ okienyẹ gbe nọ ohwo-akpọ o fioka ha evaọ aro Ọghẹnẹ (Job 22)

Bildad:

Ohwo uyẹ Shuwa. O sae jọnọ ọ jẹ rria kẹle Ethẹ Yufretis
Ọye họ ohwo avọ ivẹ nọ ọ ta ẹme. Isiasa ọ ta ẹme, yọ eme riẹ e kpẹre jẹ da vi erọ Ẹlifaz

Ota nọ ọ bọwo Job:

Eme riẹ i dhesẹ nọ emezae Job a thuzi yọ uwhu nọ a whu na u fo kẹ ae gbe nọ Job omariẹ ọ be jọ izi Ọghẹnẹ zue (Job 8)
Ọ ta nọ Job orumuomu (Job 18)
Ọ ta nọ u wo erere he re ohwo o kru ẹgbakiete riẹ (Job 25)

Zofa:

Ohwo Nemat, ẹsejọhọ ofẹ obọze ukiediwo-ọre Arebia o no ze
Ọye họ ohwo avọ esa nọ ọ ta ẹme yọ eme riẹ e mae da kpaobọ. Isiava ọvo ọ ta ẹme

Ota nọ ọ bọwo Job:

Ọ ta nọ Job ọ be ta ugbẹta, ọ tẹ jẹ vuẹe nọ ọ siọ umuomu ba (Job 11)
Ọ ta nọ Job yọ ohwo omuomu nọ uzioraha o rẹ were (Job 20)