Idhere Sa-Sa nọ A rẹ rọ Rehọ JW Library Ruiruo

RỌKẸ UWUHRẸ:

• Whọ rẹ jọ JW Library se Ebaibol na gbe obe okpẹdẹ

• Rọ oka bookmark nana ro se Yearbook, emagazini, gbe ebe efa

• Rehọ iẹe ruẹrẹ oma kpahe kẹ ewuhrẹ, jẹ jariẹ kpoka họ iyo

• Jariẹ rri ividio

EVAỌ OBỌ EWUHRẸ:

• Whọ rẹ jariẹ rovie kpohọ oria nọ oruẹme o bi se. Rọ oka history na zihe kpohọ ikere nọ who se no vẹre

• Ukpenọ whọ rẹ kwa ebe vọ ẹkpa ziọ ewuhrẹ, hae jọ ifonu hayo etablẹte ra rri abọ sa-sa ewuhrẹ na, jẹ rehọ iẹe so ile. Ile ekpokpọ nọ a ri fihọ obe-ile he e rrọ JW Library no

EVAỌ USIUWOMA:

• ọ JW Library dhesẹ oware jọ kẹ ohwo nọ o wo isiuru, je fiobọhọ kẹe rehọ JW Library app na gbe ebe fihọ ifonu riẹ

• Rehọ oka search na gwọlọ oria Ebaibol. Otẹrọnọ ẹme nọ whọ be gwọlọ ọ gbẹ romavia evaọ Ebaibol Efafa Akpọ Ọkpokpọ na ha, kpohọ orọ New World Translation of the Holy Scriptures—With References na re whọ wariẹ gwọlọ iẹe

• Jariẹ kporo ividio. Otẹrọnọ ohwo na o wo emaha, whọ sae jariẹ kporo ividio Jọ Ogbẹnyusu Jihova kẹ ae. Hayo whọ sai kporo ividio Fikieme Who re ro Wuhrẹ Ebaibol Na?, re o lẹliẹ ai wo isiuru kẹ uwuhrẹ Ebaibol. Otẹrọnọ ohwo na ọ be jẹ ẹvẹrẹ ọfa, kporo ividio ẹvẹrẹ riẹ na kẹe

• Jọ JW Library dhesẹ oria Ebaibol ẹvẹrẹ ọfa nọ whọ rehọ fihọ ifonu hayo etablẹte ra kẹ ohwo. Kpohọ oria nọ oka na o rrọ evaọ JW Library re who dhobọte oria Ebaibol nọ whọ gwọlọ se kẹ ohwo na, re ọ riẹ oghẹrẹ nọ o ta