Epanọ Ma Sai ro Wo Onaa Ziezi Evaọ Usiuwoma Ota​—Fiobọhọ kẹ Emọ-Uwuhrẹ Ebaibol Te kẹ Omauromudhe gbe Ame-Ọhọ

OWARE NỌ U RO WUZOU: Re ọmọ-uwuhrẹ Ebaibol ọ sai wo ọjẹrehọ Jihova, o gwọlọ nọ ọ rẹ roma mudhe jẹ họ-ame. (1Pi 3:21) Ọghẹnẹ ọ vẹ tẹ te thọe nọ ọ tẹ be rria lele omauromudhe riẹ. (Ol 91:1, 2) Jihova họ ọnọ Oleleikristi ọ roma mudhe kẹ orọnọ ohwo-akpọ, iruo, hayo ukoko jọ họ. Fikiere, emọ-uwuhrẹ Ebaibol a re wo uyoyou gbe edẹro kẹ Ọghẹnẹ.—Rom 14:7, 8.

EPANỌ A RE RO RU EI:

• Evaọ ewuhrẹ na, ta epanọ oria nọ wha bi wuhrẹ na o vuẹ omai kpahe Jihova. Tuduhọ iẹe awọ re ọ hai se Ebaibol na kẹdẹ kẹdẹ jẹ hae lẹ se Jihova “kẹse kẹse.”​—1Tẹ 5:17; Jem 4:8

• Tuduhọ ọmọ-uwuhrẹ Ebaibol ra awọ re o fi utee omauromudhe gbe ame-ọhọ họ kẹ omariẹ. Ofariẹ, fiobọhọ kẹe le itee jọ tobọ, wọhọ uyo nọ ọ rẹ jọ ewuhrẹ kẹ hayo re ọ ta usiuwoma kẹ egbẹrioma gbe ahwo nọ a gbe bi ru iruo. Kareghẹhọ nọ Jihova ọ rẹ gba ohwo ọvo họ gọe he. Omauromudhe yọ iroro nọ ohwo ọvo ọ rẹ jẹ kẹ omariẹ.​—Izi 30:19, 20

• Fiobọhọ kẹ ọmọ-uwuhrẹ ra re ọ riẹ inwene nọ o re ru re ọ sai ru oware nọ o rẹ were Jihova je te kẹ ame-ọhọ. (Itẹ 27:11) Fikinọ ọmọ-uwuhrẹ Ebaibol ọ sai wo iruemu jọ nọ e reria e riẹ oma no, o gwọlọ nọ who re fiobọhọ kẹe ẹsikpobi re a ọ sai ba uruemu anwae na no oma jẹ whẹ uruemu okpokpọ na họ oma. (Ẹf 4:22-24) Wha sai se izoẹme na, “Ebaibol na O re Nwene Uzuazọ Ohwo” nọ e rẹ jọ Uwou-Eroro na kugbe

• Gbiku eghale nọ whọ jọ egagọ Jihova wo no kẹe.​—Aiz 48:17, 18