Salọ nọ Jihova Whọ rẹ Gọ

Otẹrọnọ whẹ yọ uzoge nọ ọ rrọ owhowho-uvie nọ ọ re họ-ame he hayo ọmọ-uwuhrẹ Ebaibol, kọ o rrọ ute ra re whọ họ-ame? Fikieme u ro fo nọ whọ rẹ họ-ame? Omauromudhe gbe ame-ọhọ u re ru nọ ma re ro wo emamọ usu kugbe Jihova. (Ol 91:1) E rẹ jẹ wha esiwo se omai re. (1Pi 3:21) Eme who re ru re whọ sae roma mudhe jẹ họ-ame?

Nọ who te wo avro kpahe oware jọ, ru ekiakiẹ kẹ omobọra re whọ ruẹ vuhumu kẹ omobọra inọ eware nọ who bi wuhrẹ na uzẹme. (Rom 12:2) Daoma riẹ inwene nọ u fo nọ who re ru, re who ru inwene yena fikinọ whọ gwọlọ ru oware nọ o rẹ were Jihova. (Itẹ 27:11; Ẹf 4:23, 24) Hae lẹ se Jihova kẹse kẹse re o fiobọhọ kẹ owhẹ. Jọ u mu owhẹ ẹro nọ Jihova ọ te kẹ owhẹ ẹgba jẹ rọ ẹzi ọfuafo riẹ fiobọhọ kẹ owhẹ. (1Pi 5:10, 11) Omodawọ ra o te jọ uvrẹvru hu nọ who te roro kpahe eghale nọ who ti wo. Oware nọ o mai woma kpaobọ evaọ uzuazọ họ, Jihova nọ ma rẹ gọ!​—Ol 16:11.

WHA RRI IVIDIO NA EWARE NỌ AHWO NỌ A HỌ-AME NO A TA, KẸSENA WHA VẸ KIYO ENỌ NANA:

• Ebẹbẹ jọ vẹ ahwo jọ a fi kparobọ no re a sae họ-ame?

• Eme who re ru re whọ sai wo ẹrọwọ nọ o re fiobọhọ kẹ owhẹ roma mudhe kẹ Jihova?

• Eme o fiobọhọ kẹ ahwo jọ no re a ru eware nọ a sai ro te kẹ ame-ọhọ?

• Eghale jọ vẹ i re te ahwo nọ a be gọ Jihova?

• Eme u dhesẹ re a roma mudhe jẹ họ-ame?