Dede Ai Rehọ Sasasa

Amono a bi dede rehọ sasasa na? Ohwo kpobi nọ ọ ziọ ewuhrẹ mai​—te enọ e be nyaze obọ te egbẹnyusu mai nọ e siọ ewuhrẹ ba no vẹre. (Rom 15:7; Hib 13:2) O sae jọ oniọvo nọ o no orẹwho ofa ze hayo ọnọ ọ siọ iruo Uvie na ba no ikpe buobu nọ ọ ziọ ewuhrẹ. Dai roro oghẹrẹ nọ o rẹ jọ owhẹ oma otẹrọnọ whẹ họ ohwo na. Kọ o gbẹ were owhẹ re a dede owhẹ rehọ sasasa? (Mt 7:12) Fikiere, o mai woma re whọ daoma nya ahwo na duwu re who yere ai taure ewuhrẹ o te ti muhọ gbe nọ ewuhrẹ o te kuhọ no. Ma te ru ere, o rẹ lẹliẹ ewuhrẹ na jọ sasasa, uyoyou o rẹ jọ udevie mai jẹ wha orro se Jihova. (Mt 5:16) Uzẹme na họ, o nwane lọhọ họ re ma yere ahwo kpobi nọ e ziọ ewuhrẹ. Ghele na, udu u ti kie ahwo na kpobi vi nọ ma tẹ dawo utho ẹgba mai.a

Ẹsikpobi u fo nọ ma re dede ahwo rehọ orọnikọ oke Ekareghẹhọ ọvo ho. Nọ enọ e ziọ iwuhrẹ mai obọ a tẹ ruẹ uyoyou nọ a dhesẹ kẹ ae gbe onọ o rrọ udevie mai, o sae wọ ai jiri Ọghẹnẹ je kuomagbe omai gọ Jihova.​—Jọ 13:35.