A be kẹ ohwo omobe-ovẹvẹ kẹle Monrovia, evaọ Liberia

Iriruo nọ A rọ Ta Ẹme

●○○ ẸDẸ ỌSOSUỌ

Onọ: Kọ who roro nọ Ebaibol na o gbe wo iruo kẹ omai nẹnẹ?

Oria Ebaibol: 2Ti 3:16

Ta Ẹme na Jẹhọ: Uzoẹme vẹ o dhẹ Ebaibol na duwu?

○●○ OZIHEBRO ỌSOSUỌ

Onọ: Uzoẹme vẹ o dhẹ Ebaibol na duwu?

Oria Ebaibol: Mt 6:10

Ta Ẹme na Jẹhọ: Eme Uvie Ọghẹnẹ u ti ru?

○○● OZIHEBRO AVỌ IVẸ

Onọ: Eme Uvie Ọghẹnẹ u ti ru?

Oria Ebaibol: Da 2:44

Ta Ẹme na Jẹhọ: A te si ivie akpọ na no, ẹvẹ akpọ na ọ te jọ?

Muhọ no amara nana vrẹ, ewuhrẹ udevie oka na u ti gbe wo iriruo usiuwoma ota esa nọ i wo ohẹriẹ hẹ. Ukpoye, Obe Ewuhrẹ Uzuazọ gbe Usiuwoma Ota na u ti wo iriruo nọ a rọ ta ẹme, nọ u wo onọ, oria Ebaibol, gbe onọ nọ ohwo ọ rẹ nọ rọ ta ẹme jẹhọ re ọ sai zihe oke ofa. Evaọ oka, ividio iriruo epanọ a rọ ta ẹme ọvuọvo a ti kporo. Owhowho-uvie kpobi ọ sae jọ Eware nọ E Rrọ Etehe Iruo Mai, koyehọ ẹkpa riẹ salọ obe nọ ọ gwọlọ rọ kẹ ohwo gbe okenọ ọ rẹ rọ rehọ iẹe kẹe sọ ẹdẹ ọsosuọ hayo ozihebro. U te no ere no, obe ewuhrẹ na u ti wo izihebro ivẹ nọ a sae gbẹ rọ ta ẹme na họ aro. Edhere nana o ti fiobọhọ kẹ omai wuhrẹ “ahwo kpobi nọ a wo emamọ eva nọ e gwọlọ uzuazọ ebẹdẹ bẹdẹ.”—Iru 13:48.

Enọ A Kẹ Ẹme: A gbe kere epanọ who re ru ẹme na ha, rehọ iriruo nọ a rọ ta ẹme na ro ru ei.