UZUAZỌ OLELEIKRISTI

Re A Ru Ilele—A rẹ Ta Usiuwoma je Wuhrẹ Ahwo

Jesu o jie uzi kẹ ilele riẹ nọ a nyai wuhrẹ ahwo zihe ruọ ilele. (Mt 28:19) Koyehọ o gba omai họ inọ ma rẹ ta usiuwoma je wuhrẹ ahwo. Nọ o rrọ ere na, ẹsikpobi u fo nọ ma nọ oma mai nọ, ‘Ẹvẹ mẹ gbẹ sae rọ daoma viere nọ o rọnọ iruo nana i wuzou gaga na?’

USIUWOMA OTA

Ukpenọ usiuwoma mai o rẹ jọ thakpinọ a kpama no uwou ọvo, joma rehọ uvẹ kpobi gwọlọ “ọnọ o te.” (Mt 10:11) Nọ ma tẹ rrọ usiuwoma, kọ ma bi fiẹrohọ otọ ziezi re ohwo ọvo o gbe vo omai ẹro ho, jẹ ta usiuwoma kẹ ‘enọ ma ruẹ kpobi’? (Iru 17:17) Lidia o zihe ruọ olele Jesu kẹhẹ na, fikinọ Pọl ọ moyẹlẹ usiuwoma ota ha.—Iru 16:13-15.

Samuel ọ be rehọ emagazini kẹ Ezekiel; Solomon avọ Mary a be ta usiuwoma kẹ Ezekiel avọ Abigail — “Evaọ ohiohiẹ kọ ibi ra, gbe evaọ owọwọ who si obọ ra no ho” (Ọt 11:6)

WHA RRI IVIDIO NA GBẸ HAE TA USIUWOMA NA “ABABỌ ERIOSEHỌ”—OKE GHEGHE GBE NO UWOU RUỌ UWOU, KẸSENA WHA VẸ KIYO ENỌ NANA:

Nọ Samuẹle o te kpohọ iruo, eme o je ru ẹsikpobi nọ u dhesẹ nọ ọ jẹ kọ ibi uzẹme na?
Fikieme ma je tilẹmu kabọ kabọ usiuwoma na?
Evaọ kẹdẹ kẹdẹ, ono who roro nọ whọ sae ta usiuwoma kẹ?

WUHRẸ AHWO

Orọnikọ a tẹ ta usiuwoma jẹ kẹ ahwo ebe yọ u re no ho. Re a sae ginẹ riẹ uzẹme na, ma re zihe bru ai je wuhrẹ Ebaibol na kugbe ai ẹsikpobi. (1Kọ 3:6-9) Kọ otẹrọnọ ma ru otọ gbe ehru no rekọ ohwo na o bi nuhu oma ghele he? (Mt 13:19-22) O te mai woma re ma fa okọ mai rri abọfa nyae gwọlọ enọ udu rai e wọhọ “emamọ otọ.”—Mt 13:23; Iru 13:48.

Solomon avọ Mary a bi wuhrẹ Ezekiel avọ Abigail obe; Ezekiel avọ Abigail a rrọ usiuwoma ota ẹgbede — “Ẹkọ mẹ kọ, Apọlọs o te ku ame ku ei, rekọ Ọghẹnẹ o te bi ru ei rro” (1Kọ 3:6)

WHA RRI IVIDIO NA GBẸ HAE TA USIUWOMA NA “ABABỌ ERIOSEHỌ”—ẸGBEDE AVỌ RU ILELE, KẸSENA WHA VẸ KIYO ENỌ NANA:

Ẹvẹ Solomọn avọ Meri a ro ku ame ku ibi uzẹme nọ a kọ họ udu Izikiẹl avọ Abigẹle?
Fikieme u je fo nọ ma tẹrovi oware nọ o wọ omai kpohọ usiuwoma, te ọrọ ẹgbede?
Ẹvẹ ma sai ro dhesẹ nọ re a wuhrẹ ahwo uzẹme na họ uzedhe oware na?