UZUAZỌ OLELEIKRISTI

Rehọ Eware nọ E Rrọ Etehe Iruo Mai Wuhrẹ Ahwo Ziezi

A be rehọ Ebaibol gbe ibroshọ ta usiuwoma kẹ ọzae jọ

Re ma ru ilele o wọhọ ohwo nọ ọ be bọ uwou. Re ma bọ uwou nọ u woma, ma re wuhrẹ epanọ ma rẹ rehọ eware iruo mai bọ uwou ziezi. Ma rẹ daoma riẹ oghẹrẹ nọ ma rẹ rọ rehọ Ebaibol na wuhrẹ ahwo re u te ai udu. (2Ti 2:15) Ma rẹ jẹ riẹ oghẹrẹ nọ ma rẹ rọ rehọ ebe gbe ividio nọ e rrọ eva Eware nọ E Rrọ Etehe Iruo Mai wuhrẹ re ma sai ru ilele.a

Ẹvẹ whọ sae rọ riẹ oghẹrẹ nọ a rẹ rehọ Eware nọ E Rrọ Etehe Iruo Mai na wuhrẹ ahwo ziezi? (1) Nọ ọsẹro utu usiuwoma ota ra re o fiobọhọ kẹ owhẹ, (2) lele owhowho-uvie hayo ọkobaro nọ o wo onaa ziezi kpohọ usiuwoma, je (3) wuhrẹ, wuhrẹ, wuhrẹ. Whọ tẹ nabe riẹ oghẹrẹ nọ a rẹ rehọ ebe gbe ividio nana wuhrẹ ahwo ziezi no, who ti wo oghọghọ nọ u re no usiuwoma ota nọ o wọhọ uwou nọ a be bọ na ze.

EMAGAZINI