“Onọ Ọghẹnẹ O Kugbe No . . . ”

Uzi Mosis o ta nọ ọzae ọ tẹ gwọlọ siọ aye riẹ, o re kere obe orọo-ofa kẹe. Onana o wha riẹ ze nọ ahwo a gbe je ro mu erọo rai fa ha. Rekọ evaọ oke Jesu, isu egagọ na a ru orọo-ofa lọhọ kẹ ahwo. Ọzae ọ sae rọ fiki omoware osese kpobi siọ aye riẹ. (eme Mak 10:​4, 11 nọ a ru vẹ evaọ nwtsty) Jesu ọ ta nọ Jihova họ ọnọ ọ to orọo họ yọ ọye ọ rẹ kẹ udu riẹ. (Mak 10:​2-12) Ọzae avọ aye a rẹ jọ “uwo ovo” jẹ jọ kugbe bọo ẹdẹ uwhu. Oware ovo nọ Ebaibol na ọ kuvẹ riẹ nọ o rẹ sae fa orọo wọhọ epanọ o rrọ obe Matiu họ “ọfariẹ-ogbe.”​—Mt 19:9.

Nẹnẹ, ahwo buobu a wo ọkpọ eriwo Jesu kpahe orọo ho, ukpoye kọ eriwo ahwo Farisi na a wo. Nọ ebẹbẹ e tẹ nwane jọ orọo via, a vẹ nwane fa orọo na no. Ileleikristi nọ e rọo no, a rẹ rehọ eyaa orọo nọ a yaa kẹ ohwohwo zaharo vievie he, ukpoye a rẹ daoma fi izi Ọghẹnẹ nọ e rrọ Ebaibol na họ iruo nọ ebẹbẹ e tẹ romavia. Nọ wha te rri ividio Uyoyou avọ Adhẹẹ O rẹ Lẹliẹ Okugbe Jọ Uwou na no, wha vẹ kiyo enọ nana:

• 

  Ẹvẹ whọ sai ro ru ẹme nọ Itẹ 15:1 ọ ta evaọ orọo ra, kọ fikieme onana u ro wuzou?

• Ẹvẹ whọ sae rọ whaha ebẹbẹ nọ who te ru oware nọ o rrọ obe Itẹ 19:11?

• Nọ orọo ra o tẹ be gwọlọ fa, ukpenọ who re roro nọ, ‘kọ mẹ gbẹ fa orọo na?’ enọ vẹ u fo nọ who re roro kpahe?

• Ẹvẹ whọ sae rọ riẹ aye hayo ọzae ra ru nọ who te bi ru oware nọ o rrọ obe Matiu 7:12?