Epanọ Ma Sai ro Wo Onaa Ziezi Evaọ Usi Uwoma Ota—Nyasiọ Emọ-Uwuhrẹ Ebaibol nọ I bi Wo Ẹnyaharo Ho Ba

OWARE NỌ U RO WUZOU: Re ahwo a sai wo esiwo a re se odẹ Jihova. (Rom 10:13, 14) Ghele na, orọnikọ ohwo kpobi nọ ọ rọwo nọ a wuhrẹ Ebaibol kugbei ọ rẹ gwọlọ koko izi Jihova ha. Fikiere ma rẹ rọ oke mai evaọ usi uwoma fiobọhọ kẹ ahwo nọ a ginẹ gwọlọ nwene uzuazọ rai re a sai ru Jihova eva were. Nọ ọmọ-uwuhrẹ Ebaibol mai o gbe bi wo ẹnyaharo ho yọ u kri no nọ ma bi ro wuhrẹ iẹe, ma rẹ gbẹ raha oke mai fihọ iẹe he, ukpoye kọ ma rẹ rọ oke yena ro wuhrẹ ahwo nọ Jihova o ti si rehọ ziọ ukoko riẹ. (Jọ 6:44) Rekọ otẹrọnọ ohwo na o ru inwene evaọ obaro nọ u dhesẹ nọ o wo emamọ eva jẹ “gwọlọ uzuazọ ebẹdẹ bẹdẹ,” ma sae wariẹ mu uwuhrẹ na họ.—Iru 13:48.

EPANỌ A RE RO RU EI:

• Jiri ohwo na rọkẹ eriariẹ egbagba nọ ọ gwọlọ wo na.—1Ti 2:4

• Dhesẹ kẹe oware nọ u ro wuzou re o fi eware nọ o bi wuhrẹ na họ iruo.—Luk 6:46-49

• Nabe romatotọ gbiku ọtadhesẹ Jesu ọrọ ọkibi na kẹe, jẹ vuẹe re o roro kpahe oware nọ o gbe bi ro wo ẹnyaharo ho.—Mt 13:18-23

• Rọ onaa ta kẹe oware nọ whọ gbẹ be te rọ ruabọhọ ewuhrẹ na ha

• Ta kẹe nọ whọ te hae nyaze te ruẹ e riẹ ẹsejọ te tuduhọ iẹe awọ gbe nọ whọ sae wariẹ mu uwuhrẹ na họ evaọ obaro otẹrọnọ o wo ẹnyaharo

WHA RRI IVIDIO NA, KẸSENA WHA VẸ KIYO ENỌ NANA:

• Eme whọ jọ ẹmeọta kugbe yena ruẹ nọ u dhesẹ nọ ọmọ-uwuhrẹ na o bi wo ẹnyaharo ho?

• Ẹvẹ owhowho-uvie na o ro fiobọhọ kẹ ọmọ-uwuhrẹ na ruẹ nọ u fo re o ru inwene?

• Ẹvẹ owhowho-uvie na o ro rovie uvẹ fihọ inọ uwuhrẹ na o sae wariẹ muhọ evaọ obaro?