Ẹvẹ O te Jọ Jihova Oma?

Re ma tẹ te jẹ iroro kpobi, te esese te ilogbo, u fo nọ ma nọ omamai nọ, ‘Ẹvẹ o te jọ Jihova oma?’ Dede nọ ma rẹ sae riẹ oware nọ o rrọ udu Jihova ha, ọ jọ Ebaibol na dhesẹ eware buobu kpahe omariẹ kẹ omai nọ i re fiobọhọ kẹ omai ruẹrẹ oma kpahe kẹ “iruo iwoma kpobi.” (2Ti 3:​16, 17; Rom 11:​33, 34) Jesu ọ riẹ oware nọ o rẹ were Jihova yọ oye o fihọ oria ọsosuọ evaọ uzuazọ riẹ. (Jọ 4:34) Joma rọ aro kele Jesu re ma dao utho ẹgba mai kpobi jẹ iroro nọ e rẹ were Jihova.​—Jọ 8:​28, 29; Ẹf 5:​15-17.

WHA RRI IVIDIO NA HAE DAOMA WO OTORIẸ OREVA JIHOVA (IZE 19:18), KẸSENA WHA VẸ KIYO ENỌ NANA:

• Fikieme ma re ro fi ehrẹ Ebaibol họ iruo evaọ uzuazọ mai?

• Ehrẹ Ebaibol vẹ ma re fihọ iruo nọ ma tẹ be salọ ile nọ ma re kporo?

• Ehrẹ Ebaibol vẹ ma re fihọ iruo evaọ abọ ẹgọ gbe osẹ mai?

• Eware efa vẹ evaọ uzuazọ mai o jọ gwọlọ nọ ma re fi ehrẹ Ebaibol họ iruo?

• Ẹvẹ ma sae gbẹ rọ daoma wo otoriẹ oreva Jihova vi epaọ anwẹdẹ?