“Otọakpọ na Kpobi O jẹ Ta Ẹvẹrẹ Ọvo”

11:1-4, 6-9

Jihova ọ vaha ahwo nọ a ghẹmeeyo evaọ Bebẹl ẹkwoma ozighi nọ o fihọ ẹvẹrẹ rai. Rekọ evaọ oke mai na, ọ be jọ erẹwho gbe erọunu kpobi koko ogbotu obuobu họ, enọ e be ta “ẹvẹrẹ ọgbagba” re a “ruẹsi se odẹ Jihova, re a gọe no ẹkoko te ẹkoko.” (Zẹf 3:9; Ev 7:9) “Ẹvẹrẹ ọgbagba” nana họ uzẹme na kpahe Jihova gbe ẹjiroro riẹ nọ o rrọ Ebaibol na.

Nọ ohwo o te bi wuhrẹ ẹvẹrẹ ọkpokpọ, orọnikọ eme ẹvẹrẹ na ọvọ o re se fihọ uzou hu. O gwọlọ nọ o re wuhrẹ oghẹrẹ nọ ahwo na a re roro. Epọvo na re, nọ ma bi wuhrẹ ẹvẹrẹ ọgbagba uzẹme na, ma re nwene iroro mai re. (Rom 12:2) Ma tẹ be hai ru ere ẹsikpobi, u re ru nọ okugbe o rẹ rọ jọ udevie ahwo Ọghẹnẹ.​—1Kọ 1:10.