Eme Whọ rẹ Sai Wuhrẹ no Ile JW Broadcasting^® na Ze?”

Ile JW Broadcasting jọ vẹ e mae were owhẹ? Kọ fikieme? Kọ eware nọ a be jọ ividio na dhesẹ yọ eware nọ ma be rọ ẹro ruẹ nẹnẹ na? Ahwo kpobi a bi wuhrẹ oware jọ no ile na ze fiki izoẹme sa-sa nọ i wo gbe oghẹrẹ nọ a bi ro kporo ai. Onana u dhesẹ nọ ile JW Broadcasting na e rrọ rọkẹ omaweromẹ ọvo ho.

Ile nana i bi wuhrẹ omai eware buobu nọ ma rẹ sai fihọ iruo evaọ uzuazọ mai gbe usi uwoma ota mai. Ile jọ e rẹ ta kpahe ọrara-odederehọ, okugbe, usu, udu nọ a re wo, uyoyou, gbe ẹrọwọ. Efa e rẹ ta kpahe epanọ ohwo o re ro zihe bru Jihova ze, erọvrẹ, epanọ ma re ro kru ẹgbakiete mai kẹdẹ kẹdẹ, gbe itee nọ ma re le evaọ ukoko na. Ma tube wo ole jọ nọ o ta kpahe epanọ ma sae rọ rehọ ifonu ruiruo avọ areghẹ. Emamọ eware efa vẹ who wuhrẹ no ile JW Broadcasting na ze no?

WHA RRI IVIDIO OLE NA O GINẸ RAHA OKE HE, KẸSENA WHA VẸ KIYO ENỌ NANA:

• Eghale vẹ e rrọ obaro nọ ọzae-avọ-aye nana nọ a kpako no na a bi roro kpahe?​—Emu 12:3

• Ẹvẹ ma sae rọ bọ ẹrọwọ mai ga inọ Jihova o ti ru eyaa riẹ gba?

• Omakugbe sa-sa vẹ e te romavia kẹle na?

• Oghẹrẹ vẹ ẹruore nọ ma fihọ Uvie na o re ro fiobọhọ kẹ omai thihakọ ebẹbẹ nọ i bi te omai enẹna?​—Rom 8:25