Oware nọ Whọ rẹ Sae Daoma Riẹ

Wuhrẹ Ile nọ “A rẹ So rọ Gọ Ọghẹnẹ” Fihọ Uzou

“Nọ eva e gbẹ be were omẹ hẹ, Jihova ọ rẹ rọ ile JW Broadcasting^® na tuduhọ omẹ awọ.”—Lorraine, U.S.A.

Ileleikristi a rẹ so ile kẹ Ọghẹnẹ, orọnikọ nẹnẹ u muhọ họ. (Kọl. 3:16) Who te wuhrẹ ile na fihọ uzou, u ti fiobọhọ kẹ owhẹ, keme orọnọ ẹdẹ kpobi obe ile hayo ifonu o te jọ owhẹ obọ họ. Joma dhunu te eware jọ nọ i ti fiobọhọ kẹ owhẹ wuhrẹ ile na.

• Romatotọ se eme ole na re whọ sae riẹ oware nọ ole na ọ be ta. Oware nọ ohwo ọ riẹ otọ riẹ o rẹ kake thọrọ iẹe ẹro ho. Whọ rẹ jọ jw.org ruẹ eme ile mai kpobi, te erọ JW Broadcasting^® gbe erọ emaha na. Who te kpohọ jw.org, rovie oria Ebe gbe Eware Efa, kẹsena whọ vẹ nẹ oria Ile.

• Kere eme ile na fihọ obe. Ohwo o te bi kere oware fihotọ, o rẹ lẹliẹ oware na kake tamu ei ẹvori.—Izie. 17:18.

• So ole na via. Se eme ole na esese hayo so ole na ẹso-ẹso.

• Si ovao no obe na. Daoma kareghẹhọ eme ole na ababọ obe ole na nọ who re rri. U je ru no, who ve rri obe ole na re whọ riẹ oria nọ o thọrọ owhẹ ẹro.