Epanọ Ma Sai ro Wo Onaa Ziezi Evaọ Usi Uwoma Ota​—Ta Usi Uwoma kẹ Ahwo nọ A Tuaro

OWARE NỌ U RO WUZOU: U re kiehọ ahwo buobu nọ a tuaro oma ha re a lele ọrara ta ẹme. Fikiere, o gwọlọ onaa re ma sae ta usi uwoma kẹ oghẹrẹ ahwo otiọye na. Jihova o wo ọdawẹ kẹ ahwo nọ a tuaro na. (Ize 19:14) Ma rẹ sae rọ aro kele iei fiobọhọ kẹ ahwo nọ a tuaro wuhrẹ kpahe iẹe.

EPANỌ A RE RO RU EI:

• “Gwọlọ” ahwo nọ a tuaro. (Mt 10:11) Kọ whọ riẹ ohwo jọ nọ ohwo uviuwou riẹ jọ o tuaro? Kọ isukulu, oria nọ a rẹ jọ rẹrote ahwo nọ a tuaro, hayo eria itieye na efa e rrọ ẹkwotọ ra, kọ a te gwọlọ ebe nọ a ru rọkẹ ahwo nọ a tuaro?

• Dhesẹ ọdawẹ kẹ ai. Udu u re te ahwo nọ a tuaro otọ nọ whọ tẹ be whẹtiẹ ae họ oma je dhesẹ ọdawẹ kẹ ae. Daoma rehọ uzoẹme nọ o rẹ were ae rọ ta usi uwoma kẹ ai

• Fiobọhọ kẹ ae re a wo ebe nọ a sai ro wuhrẹ kpahe Jihova. Ukoko na u ru ebe sa-sa no re a ro fiobọhọ kẹ ahwo nọ a tuaro gbe enọ e be ruẹ ude tere he. Nọ ohwo na oghẹrẹ onọ ọ gwọlọ nọ o re ro wuhrẹ. Jọ ọsẹro usi uwoma ota na ọ ruẹ nọ oniọvo nọ ọ rẹ rẹrote ebe na o vi oghẹrẹ onọ ohwo na ọ gwọlọ na kẹe.