Yọroma re Whọ Siọ Eme Erue Ba Ẹvaha

Nẹnẹ na, a rẹ sae rehọ ebe nọ a printi, iredio, etẹlẹvisiọno, gbe itanẹte vi evuẹ se ima ahwo buobu vẹrẹ vẹrẹ ababọ oke oraha. Ahwo nọ a be gọ “Ọghẹnẹ nọ ọ rẹ ta uzẹme” na a rẹ rọ ogbori vaha eme erue he. (Ol 31:5; Ọny 23:1) Nọ ma te yo eme nọ e rrọ uzẹme he ma jẹ tae kẹ amọfa o rẹ sae wha ẹbẹbẹ ologbo ze. Ẹvẹ whọ sae rọ riẹ sọ ẹme nọ who yo uzẹme hayo ọrue? Whọ sae riẹ nọ whọ tẹ nọ omara enọ nana:

• ‘Kọ mẹ sai fievahọ ohwo nọ ọ ta ẹme na?’ O sae jọnọ ohwo nọ o bi gbiku na ọ riẹ ẹme na totọ họ. Uzẹme riẹ họ, nọ a te gbiku kẹ ohwo no, ọ jẹ be wariẹ ai gbe o rẹ jọ epọvo na ha. Fikiere, yọroma nọ whọ gbẹ riẹ ohwo nọ ọ ta ẹme na dẹẹ hẹ. Ekpako ukoko yọ ahwo nọ a fievahọ inọ a rẹ ta uzẹme ẹsikpobi, fikiere o gwọlọ nọ a rẹ yọroma gaga re a siọ ẹme nọ a re kiẹ sọ uzẹme o rrọ họ ba ẹta kẹ amọfa

• ‘Kọ a be rọ ẹme na ta ohwo jọ raha?’ Otẹrọnọ a be rehọ ẹme nọ a ta na rọ raha odẹ ohwo jọ hayo a be rehọ iẹe raha utu ahwo jọ, u fo vievie he re ma ta ẹme na kẹ amọfa.​—Itẹ 18:8; Fil 4:8

• ‘Kọ a sai fievahọ ẹme na?’ U fo nọ whọ rẹ yọroma nọ who te yo iku eware jọ nọ e via nọ i re gbe ohwo unu

WHA RRI IVIDIO NA ẸVẸ MẸ SAE RỌ WHAHA IGUẸGU? KẸSENA WHA VẸ KIYO ENỌ NANA:

• 

  Wọhọ epanọ o rrọ Itẹ 12:18, ẹbẹbẹ vẹ ọ rẹ sai no ẹme nọ ma ta ze?

• 

  Ẹvẹ ẹme nọ ọ rrọ Ahwo Filipai 2:4 o sai ro fiobọhọ kẹ omai riẹ oghẹrẹ ẹme nọ ma rẹ ta kpahe amọfa?

• 

  Eme u fo nọ ma re ru nọ ẹme nọ ma be ta kpahe amọfa o te bi zihẹ ruọ ọtaraha?

• 

  Taure ma tẹ te ta ẹme jọ kpahe amọfa, enọ vẹ u fo nọ ma rẹ nọ omamai?