Ọwhọkuo Yọ Odhesẹvia Uyoyou Jihova

A rẹ mai dhesẹ ọwhọkuo wọhọ uthubro hayo uwuhrẹ, rekọ a sai je dhesẹ iẹe wọhọ ọkpọvio hayo uye nọ a rẹ kẹ ohwo fiki oware nọ o ru thọ. Jihova ọ rẹ whọku omai re ma sae gọe evaọ edhere nọ ọ jẹrehọ. (Rom 12:1; Hib 12:​10, 11) Evaọ ẹsejọ, o sae jọ bẹbẹ re ma jẹ ọwhọkuo rehọ, rekọ nọ ma tẹ jẹ ọwhọkuo rehọ o rẹ wha eghale gbe ẹrẹreokie ze. (Itẹ 10:7) Eme u fo nọ ohwo nọ ọ be kẹ omọfa ọwhọkuo gbe ọnọ a be kẹ ọwhọkuo na a rẹ kareghẹhọ?

Ọnọ ọ be kẹ ọwhọkuo na. Jọ ekpako ukoko, esẹgbini, gbe amọfa a ruẹ nọ a rọ edhere owowou gbe uyoyou kẹ ọwhọkuo wọhọ epanọ Jihova o re ru na. (Jer 46:28) Nọ a tẹ make be kẹ omọfa ọwhọkuo nọ ọ rrọ gaga dede, jọ a ruẹ nọ a ru rie avọ uyoyou.​—Tai 1:13.

Ọnọ a be kẹ ọwhọkuo na. Ghele oghẹrẹ ọwhọkuo nọ a kẹ omai kpobi kẹhẹ, u fo re ma se iẹe he. Ukpoye ma daoma fi ei họ iruo ababọ oke oraha. (Itẹ 3:​11, 12) Mai ahwo-akpọ kpobi ma gwọlọ ọwhọkuo keme ma gba ha, yọ a rẹ whọku omai evaọ idhere sa-sa. Jihova ọ rẹ sae whọku omai ẹkwoma oware jọ nọ ma se evaọ Ebaibol na hayo ẹme jọ nọ ma yo evaọ obọ ewuhrẹ. Yọ evaọ ẹsejọ, ogbẹgwae ẹdhoguo o rẹ sae whọku ahwo jọ. Nọ ma tẹ jẹ ọwhọkuo rehọ, u re fiobọhọ kẹ omai yeri emamọ uzuazọ enẹna je wo uzuazọ ebẹdẹ bẹdẹ evaọ obaro.​—Itẹ 10:17.

WHA RRI IVIDIO NA “ENỌ JIHOVA O YOU Ọ RẸ WHỌKU,” KẸSENA WHA VẸ KIYO ENỌ NANA:

• 

  Oghẹrẹ uzuazọ vẹ Canon o je yeri, kọ oghẹrẹ vẹ o ro nwene?

• 

  Oghẹrẹ vẹ Jihova ọ rọ whọku ei evaọ edhere oyoyou?

• 

  Eme ma wuhrẹ no oware nọ o via kẹ oniọvo na ze?