Nọ Ma tẹ be Tha Ọwhọkuo Jihova Uke, Yọ Ma bi Dhesẹ nọ Ma Wo Uyoyou

Nọ a te si ohwo no ukoko, o rẹ thọ ukoko na o tẹ jẹ rrọ ọwhọkuo rọkẹ ohwo nọ o ru thọ nọ o kurẹriẹ hẹ na. (1Kọ 5:6, 11) Nọ ma tẹ rọwo fihọ ọwhọkuo otiọye na nọ o no obọ Jihova ze, u re dhesẹ nọ ma you Jihova gbe ohwo nọ a si no ukoko no na. Kọ ẹvẹ ma sae rọ ta nọ onana yọ uyoyou, nọ o rọnọ a te si ohwo no ukoko no o rẹ wha edada se ohwo na, ahwo uviuwou riẹ, gbe ogbẹgwae ẹdhoguo na?

Orọ ọsosuọ, u re dhesẹ nọ ma you odẹ Jihova gbe ute ẹfuọ riẹ nọ o fihọ vi oware ofa kpobi. (1Pi 1:14-16) U te no ere no, u re je dhesẹ nọ ma you ohwo nọ a si no ukoko no na. Dede nọ ọwhọkuo ọgaga otiọye na o re da, o rẹ sae “mọ ubi udhedhẹ nọ u re no ẹrẹreokie ze.” (Hib 12:5, 6, 11) Nọ ma tẹ be nyusu kugbe ohwo nọ a si no ukoko hayo ohwo nọ ọyọvo o si omariẹ no ukoko no, u re dhesẹ nọ ma bi rri ọwhọkuo Jihova vo. Kareghẹhọ nọ Jihova ọ rẹ whọku ahwo riẹ “te epanọ u fo.” (Jer 30:11) Ma re rẹro nọ ohwo nọ a si no ukoko no na o ti zihe bru Ọsẹ mai nọ o wo ohrọ-oriọ na ze. Fikiere joma hai ru eware nọ i re dhesẹ nọ ma be tha ọwhọkuo Jihova uke gbe eware nọ e rẹ lẹliẹ usu nọ ma wo kugbe Jihova jọ gaga.​—Aiz 1:16-18; 55:7.

WHA RRI IVIDIO ODHESẸVIA NA RỌ UDU RA KPOBI YOẸME KẸ JIHOVA, KẸSENA WHA VẸ KIYO ENỌ NANA:

• 

  Ẹvẹ o rẹ jọ ọsẹgboni nọ e rrọ Ileleikristi oma nọ ọmọ rai ọ gbẹ be gọ Jihova ha?

• 

  Ẹvẹ ukoko na o sai ro fiobọhọ kẹ ahwo uviuwou ọnọ a si no ukoko no na?

• 

  Iku Ebaibol vẹ i dhesẹ nọ uyoyou nọ ma re wo kẹ Jihova o re ga vi uyoyou nọ ma re wo kẹ ahwo uviuwou mai?

• 

  Ẹvẹ ma sai ro dhesẹ nọ ma you Jihova vi ahwo uviuwou mai?