UZUAZỌ OLELEIKRISTI

Yọroma Kpahe Udi Ogaga nọ A rẹ Da

Uwoho nọ a rehọ no ividio na ze ‘Udi O Viẹ Owhẹ Họ Họ.’ Araomuomu nọ o wo akọ ologbo nọ o no udi ogaga nọ ọzae jọ o kru ze.

U fo nọ Ileleikristi kpobi a rẹ yọroma nọ a tẹ be da udi ogaga. (Itẹ 23:20, 29-35; 1Kọ 6:9, 10) Nọ Oleleikristi ọ tẹ salọ nọ ọ be da udi ogaga, o gwọlọ nọ ọ da umutho. Ọ rẹ whaha udi ogaga nọ a rẹ da rọ kpairoro ẹsikpobi hayo nọ a re ro te eva taure a te ti ru oware kpobi. O re ru onana re ọ siọ amọfa ba eru zoruẹ. (1Kọ 10:23, 24; 1Ti 5:23) U fo vievie he re ma gba amọfa họ da udi ogaga, maero kọ emaha na.

WHA RRI IVIDIO EWARE NỌ A DRỌ FIHỌ EBỌDO ỌFUAFO NA UDI O VIẸ OWHẸ HỌ HỌ, KẸSENA WHA VẸ KIYO ENỌ NANA:

Fikieme o rọ gwọlọ nọ Ileleikristi kpobi a koko izi nọ egọmeti o fihọ kpahe udi ogaga nọ a rẹ da?—Rom 13:1-4
Fikieme ma gbẹ kẹ amọfa uvẹ re a gba omai họ da udi ogaga ha?—Rom 6:16
Ẹvẹ ma sae rọ whaha enwoma nọ e rẹ sai no udi ogaga ze?