Emama I re Ru Eva nọ Ma Fihọ Areghẹ Jihova Jọ Gaga

Kọ Jihova ọ gwọlọ nọ eware i woma kẹ omai ẹsikpobi? Ee! Nọ ma tẹ riẹ onana, u re ru nọ ma re ro yoẹme kẹe, onọ u re dhesẹ nọ ma wo areghẹ. (Itẹ 16:3, 9) Ẹsejọ, oware nọ Jihova ọ ta nọ ma ru u te wo ohẹriẹ no onọ o rrọ udu mai, o sai ru ei bẹbẹ re ma ru onọ ọ ta na. Rekọ nọ ma tẹ be hai roro didi kpahe eware nọ Jihova ọ ma, u re ru eva nọ ma fihọ areghẹ Jihova jọ gaga.—Itẹ 30:24, 25; Rom 1:20.

WHA RRI IVIDIO NA KỌ ẸMA A MA RIẸ? ẸVẸ EMERA A RẸ RỌ WHAHA IGOSILO? KẸSENA WHA VẸ KIYO ENỌ NANA:

• Eme emera buobu a re ru kẹdẹ kẹdẹ?

• Oghẹrẹ vẹ emera e rẹ rọ whaha igosilo?

• Eme ahwo-akpọ a re sai wuhrẹ no oghẹrẹ nọ emera a re ro no oria ruọ oria ababọ igosilo ze?

WHA RRI IVIDIO NA KỌ ẸMA A MA RIẸ? ONAA NỌ OGHẸRẸ UBI-ỌNYỌ JỌ NỌ A RE SE BUMBLEBEE Ọ RẸ RỌ RRA, KẸSENA WHA VẸ KIYO ENỌ NANA:

• Ẹbẹbẹ vẹ ahwo a re wo nọ a tẹ be dhẹ arupre ọsese?

• Oghẹrẹ vẹ amara nọ a re se bumblebee na ọ rẹ rọ rra nọ ofou o gbe ro fou rie kpenẹ avọ enẹ hẹ?

• Oghẹrẹ vẹ ahwo-akpọ a sai ro wo erere no areghẹ nọ amara nọ a re se bumblebee na o wo ze?

Eware jọ vẹ whọ be ruẹ evaọ usu eware nọ Jihova ọ ma na nọ i dhesẹ nọ Jihova o wo areghẹ gaga?