Eware nọ Ma rẹ Sai Wuhrẹ Mi Samuẹle

Samuẹle ọ gọ Jihova evaọ edẹ uzuazọ riẹ kpobi. Nọ ọ gbẹ jọ ọmaha, ọ rọ arọ kele ekpehre uruemu emezae Ilai hi, Hofini avọ Finihas. (1Sa 2:22-26) Nọ Samuẹle ọ be rro na, yọ Jihova ọ jọ kugbei. (1Sa 3:19) Nọ ọ make kpako no, ọ gbẹ jẹ gọ Jihova ziezi dede nọ emezae riẹ a gbẹ jẹ gọ Jihova ha.—1Sa 8:1-5.

Eme ma rẹ sai wuhrẹ no oriruo Samuẹle ze? Otẹrọnọ whẹ yọ uzoge, riẹ nọ Jihova ọ riẹ ebẹbẹ nọ whọ be rẹriẹ ovao dhe gbe oghẹrẹ nọ eware e rrọ owhẹ oma. Ọ sai fiobọhọ kẹ owhẹ wo udu. (Aiz 41:10, 13) Otẹrọnọ whẹ yọ ọsẹ hayo oni nọ ọmọ ra ọ gbẹ be gọ Jihova ha, riẹ nọ Samuẹle ọ sae gba emezae riẹ nọ e kpako te ahwo no họ re a koko izi ikiẹrẹe Jihova ha. Ukpoye, ọ nyasiọ eware kpobi ba kẹ Jihova, kru ẹrọwọ riẹ te urere, je ru eva were Jihova, Ọsẹ obọ odhiwu riẹ. Ẹsejọhọ emamọ oriruo ra o ti fiobọhọ kẹ ọmọ ra zihe bru Jihova ze.

WHA RRI IVIDIO NA OWARE NỌ MA RẸ SAI WUHRẸ MI AI—SAMUẸLE, KẸSENA WHA VẸ KIYO ENỌ NANA:

• 

  Nọ Samuẹle ọ jọ ọmaha, oghẹrẹ vẹ o ro dhesẹ nọ o wo udu?

• 

  Oghẹrẹ vẹ Danny o ro dhesẹ nọ o wo udu?

• 

  Nọ Samuẹle ọ kpako no, oghẹrẹ vẹ o ro fi emamọ oriruo hotọ?

• 

  Oghẹrẹ vẹ ọsẹgboni Danny a ro fi emamọ oriruo hotọ?