Amono Họ Egbẹnyusu Ra Evaọ Itanẹte?

Egbẹnyusu yọ imava nọ e talamu ohwohwo fikinọ a you ohwohwo je rri ohwohwo ghaghae. Wọhọ oriruo, nọ Devidi o kpe Goliat no, ẹsiẹe Jonatan avọ Devidi a ro zihe ruọ egbẹnyusu ekpekpe. (1Sa 18:1) Aimava na a wo iruemu nọ i ru rai si kẹle ohwohwo. Fikiere no imava a tẹ riẹ ohwohwo ziezi, usu rai o rẹ jọ kpekpekpe. Uzẹme riẹ họ, re whọ riẹ omọfa totọ ziezi o rẹ rehọ oke. Rekọ evaọ itanẹte, o rrọ ere he, keme nọ a tẹ nwane nẹ oria jọ ọvo yọ a zihe ruọ ogbẹnyusu ohwo na no. Yọ o rrọ lọlọhọ re ahwo nọ a rẹ jọ itanẹte mu egbẹnyusu a kuọ oghẹrẹ ohwo nọ a ginẹ rrọ dhere, keme a rẹ ma omaa ẹme nọ a te ta gbe oghẹrẹ uruemu nọ a ti dhesẹ fihotọ no re ahwo a rọ emamọ ubiẹro rri rai. Fikiere o gwọlọ nọ who re rri otọ mu re whọ riẹ oghẹrẹ ahwo nọ who re mu usu kugbe evaọ itanẹte. Otẹrọnọ ohwo nọ whọ riẹ tere he ọ jọ itanẹte vi uwou se owhẹ nọ wha jọ egbẹnyusu, ozọ nọ whọ rẹ rọ se kẹe u mu owhẹ hẹ inọ who ti ru ei eva dha. Fiki enwoma nọ e rẹ sai noi ze, ahwo jọ a salọ nọ a rẹ jọ itanẹte mu egbẹnyusu vievie he. Rekọ, otẹrọnọ whọ gwọlọ nọ whọ rẹ jọ itanẹte mu egbẹnyusu, eme u fo nọ who roro kpahe?

WHA RRI IVIDIO NA WO AREGHẸ T’OMA KPAHE EGBẸNYUSU ITANẸTE, KẸSENA WHA VẸ KIYO ENỌ NANA:

• 

  Eme u fo nọ who roro kpahe re who te ti kere ẹme hayo fi ifoto họ itanẹte?

• 

  Fikieme u ro fo re whọ romatotọ salọ oghẹrẹ ahwo nọ a rẹ jọ egbẹnyusu ra evaọ itanẹte?

• 

  Fikieme u ro fo re who fi umuo oke nọ whọ rẹ raha evaọ itanẹte họ kẹ omara?—Ẹf 5:15, 16