Ebẹbẹ Kpobi I ti Kuhọ Ẹdẹjọ

Nọ ebẹbẹ i te te omai, e sai ru oma lọhọ omai, maero nọ i te bi siotọ. Devidi ọ riẹ nọ ẹbẹbẹ nọ o wo fiki Sọl ovie na o ti kuhọ ẹdẹjọ, gbe nọ o ti zihe ruọ ovie wọhọ epanọ Jihova ọ ya na. (1Sa 16:13) Ẹrọwọ nọ Devidi o wo oye u fiobọhọ kẹe rọ odiri thihakọ hẹrẹ Jihova na.

Nọ odawọ u te te omai, areghẹ gbe eriariẹ e sai fiobọhọ kẹ omai nwene eriwo mai. (1Sa 21:12-14; Itẹ 1:4) Rekọ, nọ ma tẹ make daoma ru lele oware nọ Ebaibol ọ ta no dede, ebẹbẹ jọ i re gbe siotọ ghele. Nọ o tẹ via ere, o gwọlọ nọ ma wo odiri je thihakọ hẹrẹ Jihova. Kẹle na, Jihova o ti ku ebẹbẹ kpobi họ je “ririe irui-oviẹ kpobi no” aro mai no. (Ev 21:4) Te Jihova ọ dhogbo ze ti fiobọhọ kẹ omai enẹna hayo o ru ere he, oware jọ nọ u muẹro họ: Ebẹbẹ kpobi i ti kuhọ ẹdẹjọ. Ẹruore nana ọ be kẹ omai omosasọ.

KPORO IVIDIO NA AHWO NỌ A WO OKUGBE EVAỌ AKPỌ NỌ OHẸRIẸ O RRỌ, KẸSENA WHA VẸ KIYO ENỌ NANA:

• Ebẹbẹ jọ vẹ inievo nọ e jọ ofẹ United States jọ a rẹriẹ ovao dhe?

• Oghẹrẹ vẹ a ro dhesẹ nọ a wo odiri gbe uyoyou?

• Oghẹrẹ vẹ a rọ tẹrovi “eware nọ e mae roja” ghele ebẹbẹ na?—Fil 1:10