Wo Udu je Thihakọ nọ Eware E tẹ Rrọ Gaga kẹ Owhẹ

Ebẹbẹ e da oria kpobi fia evaọ edẹ urere nana nọ ma rrọ na. Nọ ekuhọ uyero-akpọ nana u bi si kẹle na, eware i ti yoma vi epanọ e rrọ na. U ti wo ẹsejọ nọ eware jọ e te kare omai. (Hab 3:16-18) Eme o ti fiobọhọ kẹ omai wo udu je thihakọ nọ eware e tẹ rrọ gaga kẹ omai? Ma re fievahọ Jihova, Ọghẹnẹ mai ẹsikpobi. Ọ ya eyaa nọ ọ te rẹrote idibo riẹ. Fikiere, ma riẹ nọ ọ te rẹrote omai nọ eware e tẹ make ga kẹ omai.—Ol 37:18, 19; Hib 13:5, 6.

Oware nọ whọ rẹ sai ru:

• Lẹ se Jihova re ọ kẹ owhẹ areghẹ, re ọ kpọ owhẹ, je fiobọhọ kẹ owhẹ.—Ol 62:8

• Who rri iruo ọvo vo ho, makọ enọ whọ hae te rọwo ru vẹre he.—g-E 1/10 8-9, ekpẹti

• Kru egagọ Jihova ga ziezi, hai se Ebaibol na kẹdẹ kẹdẹ, re whọ jẹ hai kpohọ iwuhrẹ gbe usi uwoma ota

WHA RRI IVIDIO NA BỌ UWOU NỌ O RẸ TỌ—JỌ “ONỌ WHA WO O DA OWHAI ẸRO,” KẸSENA WHA VẸ KIYO ENỌ NANA:

• Ebẹbẹ vẹ i te iviuwou jọ?

• Eme họ oware nọ o mai wuzou evaọ uzuazọ?

• Ẹvẹ ma sai ro fiobọhọ kẹ ahwo nọ eware e rrọ oma gaga?