Epanọ Ma Sae rọ Wereva Bọwo Oke Ẹkparomatha Na

Nọ ohwo nọ ọ kpekpe omai oma o te whu, ẹruore ẹkparomatha na ọ rẹ kẹ omai omosasọ. O make rrọ ere na, uzioraha gbe uwhu o wọhọ owha ogbẹgbẹdẹ nọ o be nyawo omai kpobi gaga. (Aiz 25:7, 8) Onana yọ oware jọ nọ o be whae ze nọ “emama kpobi a bi [ro] dimẹ jẹ be ruẹ uye edada kugbe.” (Rom 8:22) Ẹvẹ ma sai ro thihakọ bẹsenọ oke ẹkparomatha na o re te nọ ohwo mai jọ o te whu? Ma rẹ jọ Ebaibol na ruẹ ehrẹ sa-sa nọ e rẹ sai fiobọhọ kẹ omai.

WHA RRI IVIDIO NA NỌ OHWO NỌ MA YOU O TE WHU, KẸSENA WHA VẸ KIYO ENỌ NANA:

• Ẹvẹ o da Danielle gbe Masahiro avọ Yoshimi te nọ ohwo rai o whu?

• Ehrẹ isoi vẹ i fiobọhọ kẹ ae?

• Nọ ma tẹ rrọ uweri, ono ọ rẹ mae sasa omai oma?—2Kọ 1:3, 4