UZUAZỌ OLELEIKRISTI
Ghọghọ nọ A te bi Kpokpo Owhẹ
Ileleikristi a riẹ nọ a te siọ ae ba ekpokpo ho. (Jọ 15:20) Ginọ uzẹme inọ a te bi kpokpo omai, o rẹ sae kẹ omai uye jẹ lẹliẹ omai jọ awawa. Rekọ nọ ma te thihakọ, o rẹ wha evawere se omai.—Mt 5:10-12; 1Pi 2:19, 20.
WHA RRI IVIDIO NA MA RẸ SAE GHỌGHỌ GHELỌ UKPOKPOMA, KẸSENA WHA VẸ KIYO ENỌ NANA:
Eme whọ jọ iku Brọda Bazhenov na wuhrẹ kpahe epanọ eware nana i wuzou te
Ebaibol nọ ma re se kẹdẹ kẹdẹ?
obufihọ inievo ukoko na?a
olẹ nọ ma rẹ lẹ kẹse kẹse?
ile ukoko na nọ ma rẹ so?
usi uwoma nọ ma rẹ ta?
a Ma sae lẹ roro inievo nọ a fihọ uwou-odi, tube se edẹ rai dede evaọ olẹ na. Rekọ uwou ogha o sai vi ileta nọ ma kere se inievo na se ai hi.