UZUAZỌ OLELEIKRISTI
A bi Ru Iruo Gaga Fiki Mai
Esẹro okogho avọ eyae rai a bi ru iruo gaga je dhesẹ uyoyou nọ o rẹ hiẹ hẹ kẹ inievo nọ a weze bru. Wọhọ epanọ o rrọ kẹ ahwo kpobi na, u wo eware nọ e be kẹ ae omarai uye re, oma o rẹ sae rrọ ae ẹsejọ, udu o rẹ sai whrehe ai, yọ a rẹ sae ruawa eware jọ re. (Jem 5:17) O make rrọ ere na, koka koka nọ a te weze bru ukoko, oware nọ o rẹ mae jarae oja họ epanọ a rẹ rọ tuduhọ inievo na awọ. Esẹro okogho i gine “te ahwo nọ a rẹ kẹ ọghọ akuava.”—1Ti 5:17.
Oke nọ Pọl ukọ na ọ jẹ jiroro nọ o re kpobọ Rom nyae ruẹ inievo na re ọ kẹ ae “ekẹ jọ nọ i no obọ Ọghẹnẹ ze,” oware nọ o jariẹ iroro họ, re ọyomariẹ avọ inievo na a “tuduhọ ohwohwo awọ” nọ o te te obei. (Rom 1:11, 12) Kọ whọ sai roro kpahe epanọ whọ sae rọ tuduhọ ọsẹro okogho ra awọ no, te aye riẹ te, otẹrọnọ ọ rọo no?
WHA RRI IVIDIO NA IRUO ỌSẸRO OKOGHO EVAỌ IWHRE, KẸSENA WHA VẸ KIYO ENỌ NANA:
Idhere vẹ esẹro okogho avọ eyae rai a bi ro dhesẹ uyoyou nọ o rẹ hiẹ hẹ kẹ inievo ukoko na?
Oghẹrẹ vẹ a ro fiobọhọ kẹ owhẹ no?
Ẹvẹ ma sae rọ tuduhọ ae awọ?