Oware Uwoma gbe Uyoma: O Roja re Ma Jiroro Oware nọ Ma re Ru
Eware nọ ma bi ru evaọ uzuazọ e sae wha evawere hayo uye se omai. Jihova ọ riẹ ere. Oyejabọ nọ ọ rọ gwọlọ nọ ma re ru oware nọ ọ ta evaọ Ebaibol na.
Jihova ọ gwọlọ nọ ma re wo evawere gbe udhedhẹ.
“Mẹ Jihova, mẹ họ Ọghẹnẹ ra, Ọnọ o bi wuhrẹ owhẹ re who wo erere kẹ omara, Ọnọ o bi su owhẹ evaọ edhere nọ u fo nọ whọ rẹ nya. Dodokọ whọ rẹ gaviezọ kẹ ijaje mẹ! Kẹsena udhedhẹ ra o vẹ te jọ wọhọ ethẹ, ẹrẹreokie ra o vẹ te jọ wọhọ ẹkporo abade.”—Aizaya 48:17, 18.
Ọghẹnẹ họ ọnọ ọ ma omai, fikiere ọ riẹ oware nọ u fo nọ ma re ru. Ọ gwọlọ nọ ma koko ijaje riẹ keme e rrọ rọkẹ ewoma mai. Ma te koko ijaje riẹ, ozọ u re mu omai hi sọ uye u ti noi ze. Ehrẹ riẹ i re fiobọhọ kẹ omai jẹ emamọ iroro ẹsikpobi. Yọ onana o te lẹliẹ omai wo evawere gbe udhedhẹ.
Eware nọ Jihova ọ gwọlọ nọ ma ru e ga hrọ họ.
“Whaọ uzi nana nọ mẹ be rọ kẹ owhai nẹnẹ na o ga hrọ kẹ owhai hi, yọ u kpehru hrọ kẹ owhai hi.”—Iziewariẹ 30:11.
Re ma ru oware nọ Jihova ọ ta, o sae gwọlọ nọ ma re nwene uruemu mai jẹ whaha ekpehre iroro. Rekọ eware nọ Jihova ọ gwọlọ nọ ma ru e ga hrọ họ. Ọye ọ ma omai yọ ọ riẹ epanọ ẹgba mai o te. Ma te wuhrẹ kpahe Jihova, ma te ruẹ nọ “ijaje riẹ e rrọ owha ogbẹgbẹdẹ hẹ.”—1 Jọn 5:3.
Jihova ọ ta nọ o ti fiobọhọ kẹ ahwo nọ a bi koko izi riẹ.
“Mẹ Jihova Ọghẹnẹ ra, me bi kru obọze ra kekeke, Ọnọ ọ be ta kẹ owhẹ nọ, ‘Jọ ozọ u mu owhẹ hẹ. Me ti fiobọhọ kẹ owhẹ.’”—Aizaya 41:13.
Ma sai ru oware nọ Ọghẹnẹ ọ ta keme ọ te kẹ omai ẹgba. Ọ te rehọ Ẹme riẹ Ebaibol na tuduhọ omai awọ jẹ kẹ omai ẹruore.
Ima ahwo buobu evaọ akpọ na a ruẹ no nọ, nọ ohwo o te bi ru oware nọ Ebaibol na ọ ta, uzuazọ riẹ u re woma. Fikiere daoma wuhrẹ Ebaibol na, whọ te ruẹ ehrẹ nọ i re fiobọhọ kẹ owhẹ. Whọ sae rọ ibroshọ nana Reawere Uzuazọ Bẹdẹ Bẹdẹ! wuhrẹ Ebaibol na. Whọ sai sei hayo danlodu riẹ ọvọvẹ evaọ jw.org. Izoẹme nana e rrọ eva riẹ:
Ẹvẹ Ebaibol na Ọ Sai ro Fiobọhọ Kẹ Owhẹ?
Ebaibol na O re Ru Ohwo Wo Ẹruore
Kọ Whọ Sai Fievahọ Ebaibol Na?
Nọ who te wuhrẹ Ebaibol na, whọ te ruẹ nọ ehrẹ riẹ i gbe wo iruo kẹ omai nẹnẹ, keme a sai “fievahọ ai ẹsikpobi, enẹna rite ebẹdẹ bẹdẹ.” (Olezi 111:8) Nọ ma te ru oware nọ Ebaibol na ọ ta, ẹsiẹe ma re yeri emamọ uzuazọ. Rekọ Ọghẹnẹ ọ rẹ gba omai họ koko izi riẹ hẹ. (Iziewariẹ 30:19, 20; Joshua 24:15) Mai omomọvo ma rẹ jiroro na kẹ omamai.