Jesu O ti Ku Ẹmo Họ

Nọ Jesu ọ jọ akpọ na, o dhesẹ nọ o you ahwo gaga. O you ahwo te epanọ ọ rọ rehọ uzuazọ riẹ dheidhe kẹ ae. (Matiu 20:28; Jọn 15:13) Kẹle na, Jesu nọ Ọghẹnẹ o ro mu Ovie Uvie riẹ na, ọ te wariẹ dhesẹ uyoyou kẹ ahwo-akpọ keme o ti “ru emo serihọ evaọ otọakpọ na soso.”—Olezi 46:9.

Rri epanọ Ebaibol na o dhesẹ oware nọ Jesu o ti ru:

• “O ti siwi oyogbe nọ o bi bo kẹ obufihọ na, te oruori na avọ ohwo kpobi nọ o wo ofiobọhọ họ. Ọ te re ohrọ oruori na gbe oyogbe na, yọ o ti siwi uzuazọ iyogbe na. O ti siwi ai no okienyẹ gbe ozighi.”—Olezi 72:12-14.

Ẹvẹ ma sai ro dhesẹ nọ eware nọ Jesu o ru kẹ omai no gbe enọ o ti ru kẹ omai evaọ obaro e da omai ẹro? Edhere jọ nọ ma sai ro dhesẹ iẹe họ, ma re gbe wuhrẹ kpahe usi nọ Jesu o je whowho, koyehọ “usi uwoma Uvie Ọghẹnẹ.” (Luk 4:43) Se uzoẹme na “Eme Họ Uvie Ọghẹnẹ?”