Kọ U Fo re Ọzae O Wo Vrẹ Aye Ọvo?

Uyo nọ Ebaibol na ọ kẹ

Evaọ oke anwae, Ọghẹnẹ ọ kuvẹ re ọzae o wo vrẹ aye ọvo evaọ omoke jọ. (Emuhọ 4:19; 16:1-4; 29:18-29) Rekọ orọnọ Ọghẹnẹ ọ tuọ onana họ họ. Aye ọvuọvo ọ ma kẹ Adamu.

Ọghẹnẹ ọ kẹ Jesu Kristi udu re ọ wariẹ wuhrẹ ahwo nọ aye ọvuọvo ọzae o re wo. (Jọn 8:28) Nọ ahwo jọ a nọ Jesu kpahe orọo, ọ ta nọ: “Ọnọ ọ ma rae eva emuhọ ọ mae ọzae gbe aye, ọ tẹ ta nọ, ‘Fiki onana ọzae ọ jẹ se ọsẹ gbe oni riẹ ba o ve [kuomagbe] aye riẹ, ai ivẹ na a vẹ te jọ uwo ovo.’”—Matiu 19:4, 5.

Uwhremu na, olele Jesu jọ o kere nọ: “Ufo re kọzae kọzae o wo aye obọ riẹ gbe kaye kaye o wo ọzae obọ riẹ.” (1 Ahwo Kọrint 7:2) Ebaibol na ọ tẹ jẹ ta nọ ọzae nọ a rẹ kẹ owha-iruo evaọ ukoko Ileleikristi na ọ rẹ “rehọ aye ọvo.”—1 Timoti 3:2, 12.