Fikieme Isẹri Jihova A Gbe ro Se Oria Egagọ Rai Ichọche He?

Evaọ Ebaibol na, a rẹ rehọ ẹme Griki nọ a fa “ichọche” na ro dhesẹ ogbotu ahwo nọ a kokohọ kẹ egagọ orọnikọ uwou nọ a kokohọ na ha.

Wọhọ oriruo: Nọ Pọl o je kere se Ileleikristi nọ e jọ obọ Rom, o te vi uyere se ọzae-avọ-aye nọ a re se Akwila avọ Prisila je fibae nọ: “Wha yere [ichọche] nọ o rrọ uwou rai.” (Ahwo Rom 16:5, Ebaibol ọ Contemporary English Version) Orọnikọ uwou nọ a je kokohọ na Pọl o je vi uyere na se he, rekọ ahwo nọ a jẹ hai kokohọ uwou na.a

Fikiere ma re se oria egagọ mai “Ọgwa Uvie,” ukpenọ ma re sei ichọche.

Fikieme wha bi ro sei “Ọgwa Uvie Isẹri Jihova”?

Odẹ nana u kiehọ fiki eware nọ ma be te fodẹ na:

• Uwou na yọ ọgwa, hayo oria nọ a re kokohọ.

• Ma re kokohọ etẹe gọ Jihova, Ọghẹnẹ nọ a jọ Ebaibol na fodẹ na, je se isẹri kpahe odẹ riẹ.—Olezi 83:18; Aizaya 43:12.

• Ma re je kokohọ etẹe wuhrẹ kpahe Uvie Ọghẹnẹ, onọ Jesu ọ jẹ hae ta kpahe kẹse kẹse na.—Matiu 6:9, 10; 24:14; Luk 4:43.

Ma bi zizie owhẹ nọ who kpohọ Ọgwa Uvie Isẹri Jihova nọ ọ kẹle owhẹ, re whọ ruẹ oghẹrẹ nọ Isẹri Jihova a re ru iwuhrẹ rai.