Uwuhrẹ 1

Epanọ Whọ Sai ro Duku Oware nọ Ọghẹnẹ Ọ Gwọlọ

Didi ovuẹ nọ u wuzou o rọ Ebaibol na? (1)

Ono o wo eme Ebaibol na? (2)

Fikieme who je wuhrẹ Ebaibol na? (3)

1. Ebaibol na yọ okẹ oghaghae no obọ Ọghẹnẹ ze. O wọhọ ileta nọ u no obọ ọsẹ oyoyou ze se emọ riẹ. O vuẹ omai uzẹme na kpahe Ọghẹnẹ—oghẹrẹ ohwo nọ ọ rọ gbe oware nọ ute riẹ o rọ. U dhesẹ epanọ ma sai ro kiakọ ebẹbẹ gbe oghẹrẹ nọ ma sae rọ ruẹ evawere uzẹme. Ebaibol na ọvo ọ vuẹ omai kpahe oware nọ ma re ru hrọ re ma sai ru Ọghẹnẹ evawere.—Olezi 1:1-3; Aizaya 48:17, 18.

2. Ahwo sa-sa nọ i bu te 40 ae a kere Ebaibol na evaọ etoke nọ i bu viọ ikpe 1,600, nọ u muhọ evaọ 1513 B.C.E. Emebe esese nọ i bu te 66 eye i ru riei. Ọghẹnẹ họ ọnọ ọ kpọ ahwo nọ a kere Ebaibol na. A kere iroro riẹ, orọnikọ or’obọ rai hi. Fikiere Ọghẹnẹ ob’odhiwu ọye họ Ọnọ o wo eme Ebaibol na, orọnikọ ohwo-akpọ jọ họ.—2 Timoti 3:16, 17; 2 Pita 1:20, 21.

3. Ọghẹnẹ o muẹro họ nọ a kere Ebaibol na gbagba jẹ sẹro riẹ. Unu Ebaibol nọ a kporo no i bu vi ebe efa kpobi. Orọnikọ ohwo kpobi eva e rẹ were nọ a tẹ ruẹ nọ who bi wuhrẹ Ebaibol na ha, rekọ whọ jọ oyena o whaha owhẹ hẹ. Obaro ibẹdẹ bẹdẹ ra o rehọ oma hwa ẹriẹ nọ whọ rẹ riẹ Ọghẹnẹ gbe oreva riẹ u ruo ghelọ ọwọsuọ kpobi.—Matiu 5:10-12; Jọn 17:3.