Eva E Were Enọ I Wo Ohrọ!

1. Eva were en’iwo hrọ!

A rọ ghaghae kẹ Ọghẹnẹ.

A be vuẹ ahwo woma nọ

Ohrọ o rẹ wer’Ọghẹnẹ.

Ọghẹnẹ riohrọ mai kpobi,

Nọ rọ Jesu t’omai n’igbo.

Ọ rẹ riohrọ iwowolẹ

Keme ọ riẹ no ma gba ha.

2. En’i w’ohrọ re w’oghale

A rẹ rọ iruthọ vrẹ rai.

Re w’erere n’ohrọriọ ze,

Anwẹnọ Kristi kp’odhiwu.

A bi dhesẹ ohrọ nana

Be vuẹ ahwo ẸmeỌghẹnẹ,

Be ta k’ahwo, nọ “Wha ghọghọ

Keme Uvie na u bi suẹ.”

3. Oke n’Ọghẹnẹ ti guẹdhọ

Ọ te riohrọ iwolẹ na.

A te ginẹ ruẹ ohrọ riẹ,

Keme a riohrọ amọfa.

Fikiere joma wo ohrọ

Je dhesiẹe via ẹsikpobi.

’Ghẹnẹ gb’i Jesu wuhr’omai;

Joma w’ohrọ kẹdẹ kẹdẹ