Ghọghọ Evaọ Ẹruore Na

Ẹruore ọ wọhọ umuokọ. (Hib 6:19) U re fiobọhọ kẹ omai dikihẹ ga nọ ikpokpoma nọ e wọhọ ẹkporo ologbo e tẹ whẹ ze. (1Ti 1:​18, 19) Ẹkporo nana ọ sae jọ, eware jọ nọ ohwo o je rẹro nọ i te rie obọ họ, eware nọ i re vru ku ohwo, ẹyao nọ o bi kpo ho, ohwo oma ohwo nọ o whu, hayo oware ofa nọ o rẹ sai whrehe ẹrọwọ mai.

Ẹruore avọ ẹrọwọ e rẹ lẹliẹ omai ruẹ eghale nọ e rrọ obaro vevẹ. (2Kọ 4:​16-18; Hib 11:​13, 26, 27) Te ma bi kpobọ odhiwu, hayo otọakpọ ma te jọ, ma re ru eyaa Ọghẹnẹ nana nọ a kere fihọ Ebaibol na kpokpọ ẹsikpobi nọ ma tẹ be hai roro kpahe ae. Kẹsena nọ ebẹbẹ e tẹ lẹliẹ akpọ bẹ omai te unu no, ma vẹ sae gbẹ wereva ghele.​—1Pi 1:​6, 7.

RRI IVIDIO NA GHỌGHỌ EVAỌ ẸRUORE NA, KẸSENA WHA VẸ KIYO ENỌ NANA:

• Fikieme Mosis ọ rọ rrọ emamọ oriruo nọ ma rẹ rọ aro kele?

• Owha-iruo vẹ o rrọ uzou esẹgbini?

• Eware vẹ wha rẹ sae jọ Egagọ Uviuwou rai ru kugbe?

• Ẹvẹ ẹruore ọ sai ro fiobọhọ kẹ owhẹ dikihẹ ga kẹ ikpokpoma?

• Eme who bi rẹro riẹ evaọ obaro?