Oma Rọkẹ Oka ọ March 25

OKA NỌ O RỌ MARCH 25 MUHỌ

Ole avọ 76 gbe Olẹ

□ Uwuhrẹ Ebaibol Ukoko:

cl uzou. 14 edhe. 1-12 (30 min.)

□ Isukulu Odibọgba Esuo-Ọghẹnẹ:

Isase Ebaibol: Luk 4-6 (10 min.)

No. 1: Luk 4:22-39 (4 min. hayo kpẹre viere)

No. 2: A Se Ẹgba Uzuazọ Ahwo-Akpọ Gbe Erao Ẹzi—td 25B (5 min.)

No. 3: Ẹvẹ Ma rọ Riẹ nọ A Kpare Jesu Ze?—1 Kọr. 15:3-7 (5 min.)

□ Ewuhrẹ Odibọgba:

Ole avọ 111

5 min: Mu Obe-Uwuhrẹ Ebaibol Họ Evaọ Ẹdẹ-Ọmaha Ọsosuọ. Rehọ oriruo usiuwoma ota nọ o rrọ ẹwẹ-obe avọ 8 na ru odhesẹvia epanọ a re ro mu obe-uwuhrẹ ọkpokpọ họ evaọ Ẹdẹ-Ọmaha ọsosuọ ọrọ April. Tuduhọ ahwo na kpobi awọ re a ru ere.

25 min: “Epanọ A rẹ rọ Ibroshọ Emamọ Usi nọ U No Obọ Ọghẹnẹ Ze! Wuhrẹ Ahwo.” Enọ gbe iyo. Jọ edhe-ẹme avọ 6 ru idhesẹvia ivẹ.

Ole avọ 97 gbe Olẹ

3. Ohẹriẹ vẹ o rrọ ibroshọ nana gbe ebe efa nọ ma re ro wuhrẹ ahwo?

³ Epanọ A Ru Rie: A kere ebe mai buobu evaọ oghẹrẹ nọ ohwo ọvo ọ sai ro se ai je wo otoriẹ oware nọ o se ababọ obufihọ. Rekọ ibroshọ nana u wo ohẹriẹ. A ru rie re ma rehọ iẹe wuhrẹ amọfa. Fikiere nọ ma tẹ be rehọ ibroshọ na kẹ ohwo, o rẹ mai woma re ma se edhe-ẹme ọvo hayo ivẹ jẹ ta ẹme kpahe iẹe. Idhe-ẹme na e rrọ kpẹkpẹe, fikiere ma sae rehọ ai wuhrẹ ohwo evaọ unuẹthẹ hayo uwou eki riẹ. Dede nọ u re woma re a rọ uwuhrẹ ọsosuọ muhọ, ma sae jọ oria kpobi muhọ.

4. Ẹvẹ ibroshọ na u ti ro fi obọ họ k’omai wuhrẹ ahwo no Ebaibol na ze ovavo?

⁴ Evaọ ebe mai buobu, idhe-ẹme na ma re jo duku iyo enọ na. Rekọ evaọ ibroshọ nana, Ebaibol a rẹ mae jọ ruẹ iyo enọ na. Ahwo buobu a rẹ gwọlọ wuhrẹ no Ebaibol na ze, orọnikọ ebe mai hi. Fikiere enwenọ eria Ebaibol kpobi nọ a fodẹ evaọ idhe-ẹme na a kere eme rai lahwe he. O gwọlọ nọ a se ai no Ebaibol na ze ovavo. Onana u ti fi obọ họ kẹ ohwo na riẹ nọ obọ Ọghẹnẹ oware nọ o bi wuhrẹ na u no ze.—Aiz. 54:13.

5. Fikieme u ro wuzou re ọnọ o bi wuhrẹ ohwo na ọ ruẹrẹ oma kpahe ziezi kẹ uwuhrẹ kpobi?

⁵ Orọnikọ oria ikere kpobi ibroshọ na o ru vẹ hẹ. Fikieme? Re ọnọ a bi wuhrẹ na ọ ruẹse nọ enọ, o vẹ jẹ lẹliẹ ọnọ o bi wuhrẹ iẹe rehọ onaa uwuhrẹ riẹ ruiruo ziezi. Fikiere, o gwọlọ nọ whẹ nọ who bi wuhrẹ ohwo na whọ rẹ ruẹrẹ oma kpahe ziezi kẹ uwuhrẹ na. Rekọ whọ ta ẹme bu hrọ họ. Dede nọ o rẹ were omai re ma fotọ ikere na, o rẹ mai woma re ma nọ ọmọ-uwuhrẹ na re ọ ta epanọ o wo otoriẹ ikere na. Ma tẹ be nọ enọ, o rẹ lẹliẹ ohwo na roro jẹ riẹ otọ ẹme nọ ma se na.—Iruẹru 17:2.