Epanọ Ọzae avọ Aye A Sae rọ Bọ Orọo Rai Ga

Abraham avọ Sera yọ emamọ oriruo ọzae-avọ-aye nọ i wo uyoyou gbe adhẹe kẹ ohwohwo. (Emu 12:11-13; 1Pi 3:6) O make jọ ere na, aimava na a gba ha, ebẹbẹ e jọ orọo rai nọ a je thihakọ rai. Eme ọzae-avọ-aye nọ a rọo no a rẹ sai wuhrẹ mi Abraham avọ Sera?

Wha hae ta ẹme kugbe ohwohwo. Hae romakpotọ kpahe ẹme kẹ ọrivẹ-orọo ra nọ ọ tẹ rọ evedha ta ẹme jọ. (Emu 16:5, 6) Wha hai ru eware kugbe. Hae rọ ẹmeunu gbe uruemu ra dhesẹ kẹ ọrivẹ-orọo ra inọ who you rie. Onọ o mai wuzou, whai imava na wha rẹ daoma bọ usu rai kugbe Jihova ga, ẹkwoma Ebaibol na nọ wha re wuhrẹ kugbe, olẹ nọ wha rẹ lẹ kugbe, jẹ gọ Jihova kugbe. (Ọt 4:12) Nọ orọo o tẹ rrọ gaga, o rẹ wha orro se Jihova, Ọnọ ọ to orọo họ na.

WHA RRI IVIDIO NA EPANỌ MA SAI RO RU ỌGBAKUGBE ORỌO GA, KẸSENA WHA VẸ KIYO ENỌ NANA:

• Evaọ odhesẹvia nana, eware jọ vẹ e jẹ via nọ i dhesẹ nọ usu Shaan avọ Kiara u je godo no?

• Fikieme u ro fo re ọzae avọ aye a ta uzẹme kẹ ohwohwo?

• Oghẹrẹ vẹ oriruo Abraham avọ Sera u ro fiobọhọ kẹ Shaan avọ Kiara?

• Eware jọ vẹ Shaan avọ Kiara a ru re orọo rai na o sae jọ gaga?

• Fikieme ọzae avọ aye a gbe ro rẹro nọ eware kpobi e te nwane nya malẹ hẹ evaọ orọo rai?