“Wha Si Eghẹnẹ Erẹwho Efa nọ E Rrọ Udevie Rai na No”

Jekọp ọ riẹ nọ Jihova ọvo u fo nọ a rẹ gọ, dede nọ evaọ oke yena Jihova o ri fi uzi kpahe ẹdhọgọ hotọ họ. (Ọny 20:3-5) Fikiere okenọ Jihova ọ ta kẹe nọ o zihe kpobọ Bẹtẹl, Jekọp ọ tẹ vuẹ ahwo kpobi nọ a jọ kugbe iei inọ a si emedhọ nọ e rrọ udevie rai no. Jekọp o te ku emedhọ na kufiẹ, te emero-ezọ nọ o sae jọnọ a jẹ hai kuhọ wọhọ igbelẹ. (Emu 35:1-4) Ababọ avro, oware nọ Jekọp o ru na o were Jihova gaga.

Evaọ oke mai nana, oghẹrẹ vẹ ma sai ro dhesẹ nọ Jihova ọvo ma be gọ? Ma rẹ kẹnoma kẹ oware kpobi nọ u wobọ kugbe ẹdhọgọ hayo iruẹru-imizi. Onana u dhesẹ nọ ma re gbolo oware kpobi nọ u wobọ kugbe iruẹru-imizi kufiẹ, jẹ romatotọ salọ oghẹrẹ ebe nọ ma be hai se hayo oghẹrẹ ifimu nọ ma be hai rri. Wọhọ oriruo, nọ omara nọ: ‘Kọ mẹ be hai se hayo rri ifimu nọ a bi jo dhesẹ iruẹru eda, ogaga ebi, hayo imizi? Kọ a be hae jarai dhesẹ iruẹru emajiki, ahwo nọ a bi kporo ẹbo, hayo ahwo nọ a be bọwo ehao wọhọ eware omaweromẹ gheghe?’ O gwọlọ nọ ma rẹ kẹnoma kẹ oware kpobi nọ Jihova o mukpahe lelele.​—Ol 97:10.

WHA RRI IVIDIO NA “WHA WỌSO ẸDHỌ,” KẸSENA WHA VẸ KIYO ENỌ NANA:

• 

  Ẹbẹbẹ jọ vẹ ọmọ-uwuhrẹ Ebaibol nọ a re se Palesa ọ rẹriẹ ovao dhe?

• 

  Fikieme o rọ rrọ oware areghẹ re ma ta kẹ ekpako na nọ ma te wo ẹbẹbẹ nọ u kpomahọ iruẹru-imizi?

• 

  Re Jihova ọ sae thọ omai, eware jọ vẹ u fo nọ ma re gbolo kufiẹ hayo kẹnoma kẹ riẹriẹriẹ?

• Eme Palesa o ru ababọ oke oraha?

• Evaọ oria nọ whọ be rria, eware jọ vẹ o gwọlọ nọ whọ rẹ kẹnoma kẹ re who gbe wobọ kugbe iruẹru-imizi hi?