Kẹ Jihova Onọ O Mai Woma

5:5-7, 11

Evaọ Izrẹl oke anwae, nọ ohwo ọ tẹ maki yogbe o rẹ whaha iẹe udhedhẹ nọ o re ru kugbe Jihova ha. Makọ ahwo Izrẹl nọ a mai yogbe dede, a rẹ sae kẹ Jihova okẹ nọ ọ rẹ jẹrehọ, otẹrọnọ oyena họ utho nọ ẹgba rai o te. A rẹ sae rehọ eflawa ro dhe idhe kẹ Jihova, rekọ o rẹ jọ “emamọ eflawa,” epaọ onọ a rẹ rọ ghọ erara. (Emu 18:6) Nẹnẹ na, Jihova ọ rẹ jẹ “idhe ujiro” mai rehọ o tẹ make rọnọ uyero mai o be kẹ omai uvẹ ru te epanọ ma je ru te vẹre he.​—Hib 13:15.

Ẹvẹ onana o sae rọ tuduhọ owhẹ awọ, otẹrọnọ whọ be sai ru te epanọ who je ru te vẹre he fiki ẹyao hayo owho?