Whai Izoge—Wha Ta Eva Rai kẹ Esẹgbini Rai

Kọ fikieme u ro fo re whọ vuẹ ọsẹgboni ra oware nọ o rrọ owhẹ eva? (Itẹ 23:26) Keme Jihova o jie uzi kẹ ae nọ a rẹrote owhẹ jẹ sẹro ra. (Ol 127:3, 4) Rekọ otẹrọnọ whọ gbẹ be vuẹ ae ebẹbẹ nọ whẹ be rẹriẹ ovao dhe gbe eware nọ e be kẹ owhẹ uye he, o te jọ bẹbẹ kẹ ae re a sai fiobọhọ kẹ owhẹ. U te no ere no, whọ te sai wuhrẹ no eware nọ a riẹ no ze he. Dede nọ oware kpobi whẹ te nwane vuẹ ọsẹgboni ra ha, yọroma re whọ gbẹ viẹ ae họ họ.—Itẹ 3:32.

Kọ oghẹrẹ vẹ whọ sae rọ ta ẹme kẹ ọsẹgboni ra? Salọ oke nọ u ti kiehọ owhẹ gbe ọsẹgboni ra oma. Otẹrọnọ o lọhọ re whọ salọ oke jọ họ, whọ sai kere ileta se ọsẹ hayo oni ra re whọ vuẹe oghẹrẹ nọ eware e rrọ owhẹ oma. Kọ otẹrọnọ a gwọlọ ta kpahe oware jọ nọ whẹ gwọlọ ta kpahe he? Kareghẹhọ nọ a gwọlọ gine fiobọhọ kẹ owhẹ. Rri ọsẹgboni ra wọhọ egbẹnyusu ra orọnikọ ewegrẹ ra ha. Nọ whọ tẹ be daoma re whọ ta eva ra kẹ ọsẹgboni ra, u ti fiobọhọ kẹ owhẹ evaọ edẹ uzuazọ ra kpobi je ru nọ who ti ro wo uzuazọ ebẹdẹ bẹdẹ!—Itẹ 4:10-12.

WHA RRI IVIDIO NA NỌ MẸ RRỌ IKPE IKPEGBỌ NA—ẸVẸ MẸ SAI RO LELE ỌSẸGBONI MẸ TA ẸME? KẸSENA WHA VẸ KIYO ENỌ NANA:

• 

  Eme Esther avọ Partik a ta kpahe omarai?

• 

  Eme whọ sai wuhrẹ no oriruo Jesu ze?

• 

  Eware jọ vẹ ọsẹgboni ra a ru kẹ owhẹ no nọ i dhesẹ nọ a you owhẹ?

• 

  Ehrẹ Ebaibol vẹ sai fiobọhọ kẹ owhẹ ta ẹme kẹ ọsẹgboni ra?