Eme Ebaibol Na Ọ Ta?

Kọ “edẹ urere na” ma rrọ na?

Kọ whọ te ta nọ

• Ee

• Ijo

• Hayo ẹsejọhọ?

Ẹme nọ Ebaibol na ọ ta

“Evaọ edẹ urere na, oke obẹbẹ nọ o te bẹ eyeri o te jọ.” (2 Timoti 3:1) Eruẹaruẹ Ebaibol, gbe eware nọ e be via i dhesẹ nọ “edẹ urere na” ma rrọ na.

Eme ọfa ma rẹ sai wuhrẹ no Ebaibol na ze?

• Eware jọ nọ a ti ro vuhu edẹ urere na họ, ẹmo, etọ nọ i ti nuhu, ohọo, gbe eyao egaga nọ i re kpe ahwo.​—Matiu 24:​3, 7; Luk 21:11.

• Evaọ edẹ urere na, emamọ uruemu u ti kiekpo, yọ ahwo a ti ru wọhọ ẹsenọ a be gọ Ọghẹnẹ.​—2 Timoti 3:2-5.

Ẹvẹ obaro ahwo-akpọ o te jọ?

Ahwo jọ a roro nọ . . .

edẹ urere na i ti kuhọ nọ a te raha akpọ na gbe ahwo kpobi nọ a rrọ eva riẹ, yọ amọfa jọ a roro nọ eware i ti woma. Ẹvẹ who roro?

Ẹme nọ Ebaibol na ọ ta

“Ikiẹrẹe e rẹ te rehọ otọ na reuku, a vẹ jẹ ria ae bẹdẹ.”​—Olezi 37:29.

Eme ọfa ma rẹ sai wuhrẹ no Ebaibol na ze?

• Edẹ urere na i ti kuhọ evaọ okenọ a ti ro si emuemu no akpọ na.​—1 Jọn 2:17.

• Akpọ na kpobi o ti zihe ruọ aparadase. ​—Aizaya 35:1, 6.